O Pleno do Senado aprobou este mércores 11 de marzo unha moción do Grupo Parlamentario Popular, na que se insta ó Goberno a manter e reforzar, no caso de que sexa necesario, os mecanismos de vixilancia do mercado lácteo. O senador do PP por Lugo, Armando Castosa, encargado de defender a moción, destacou que “é necesario continuar protexendo ante as institucións comunitarias ao sector ante o novo escenario que se presenta coa liberalización do mercado?.
As cotas lácteas, é dicir, o límite anual á produción que establece a Unión Europea para cada Estado membro, desaparecen definitivamente o próximo mes de abril. Armando Castosa explicou que “España goza dunha posición única para que a súa eliminación non sexa traumática, xa que o noso país ten un 25 por cento de consumo sen cubrir e un potencial grande de crecemento en queixos e derivados”.
O senador por Lugo enfatizou que, “nestes momentos, nos que o sector está a piques de tomar un novo rumbo, é máis importante que nunca, que o Executivo continúe defendendo, no seo da Unión Europea a necesidade de dispoñer de mecanismos indicadores e directrices de actuación en caso de crise no seo do observatorio lácteo creado pola CE”.
Na súa intervención no Pleno da Cámara Alta, Castosa insistiu na necesidade de “reforzar a posición negociadora dos produtores e mellorar os instrumentos para contrarrestar os efectos da volatilidade dos prezos e facer fronte a posibles crises”. O senador lucense destacou a importancia de dotar dunha maior seguridade xurídica e transparencia a todas as relacións comerciais na cadea láctea.
Armando Castosa destacou que, a través da moción, preténdese apostar pola consolidación das medidas incluídas no “Paquete Lácteo” (aprobado no Consello de Ministros do pasado 27 de febreiro), que establece contratos obrigatorios entre gandeiros e industrias de, como mínimo, un ano e a obrigación de que as empresas faciliten a oferta contractual ao productor con, polo menos, dous meses de antelación para conseguir, dixo, instaurar “o contrato a longo prazo como práctica habitual”.
EVITAR A DESLOCALIZACIÓN
Castosa insistiu en que o obxectivo último é “apostar por ferramentas de apoio directo aos gandeiros para evitar procesos de deslocalización especialmente nas zonas rurais, as que poden verse máis afectadas pola eliminación do sistema de cotas. O senador por Lugo destacou que as medidas repercutirán de forma especial en Galicia, “onde se produce máis do 50% da cota nacional e onde o sector lácteo é un sector estratéxico”.
O sector lácteo español realizou un importante esforzo de mellora da alimentación e a competitividade das explotacións ao longo dos últimos anos. Armando Castosa recalcou que a finalidade da moción é reforzar esa competitividade. Para iso, dixo, pídese ao Goberno que reforce os mecanismos de vixilancia para evitar as prácticas abusivas por parte das empresas.
O texto íntegro da moción é o seguinte:
O Senado insta ao Goberno a:
1. Continuar cos mecanismos de vixilancia e monitorización do mercado lácteo, con vistas a reforzalos no caso de que sexa necesario e co fin de adoptar as medidas que se consideren oportunas, de acordo coa normativa comunitaria e de competencia.
2. Continuar defendendo ante as Institucións Comunitarias a necesidade de dispoñer de mecanismos indicadores e directrices de actuación en caso de crise no seo do observatorio lácteo creado pola Comisión Europea (CE).
3. Apostar pola consolidación e desenvolvemento das medidas do Paquete lácteo como instrumentos de trasparencia estabilidade e reforzamento da posición negociadora dos productores.
4. Analizar a posibilidade de mellorar os instrumentos existentes e poñer en marcha outros novos para contrarrestar os efectos da volatilidade dos prezos no sector e facer fronte a posibles crises.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
