LUGO, 7 DE MARZO DE 2015.- Con motivo do Día Internacional da Muller Traballadora, que se celebra o 8 de marzo, os socialistas celebraron este sábado, un almorzo informativo co obxectivo de reivindicar unha igualdade real en materia laboral de homes e mulleres.
As Secretarias de Economía e Política Social da Executiva Provincial – Pilar García Porto e Ana González Abelleira- xunto coa Vicepresidenta Segunda da Deputación de Lugo –Lara Méndez- promoveron e mantiveron unha xuntanza con diversos colectivos de mulleres da provincia de Lugo na que compartiron as súas impresións sobre as necesidades básicas e reais que fagan posible a igualdade no emprego, así como a incorporación das mulleres a todos os postos de responsabilidade ou a igualdade salarial. As participantes neste acto manifestaron a “imperiosa necesidade de promover unha igualdade real e efectiva en todas as políticas públicas e na sociedade en xeral”.
Formaron parte deste almorzo informativo representantes de asociacións de mulleres de diversos ámbitos da provincia de Lugo: a Asociación de Mulleres Empresarias, a Asociación de Mulleres Autónomas, o Secretariado Xitano, Unións Agrarias, Asociación de Mulleres con Discapacidade ACADAR, FSP-UGT, o Colectivo de Mulleres Inmigrantes e Xuventudes Socialistas.
Perda de 447 millóns de euros para as traballadoras da provincia
Nesta xuntanza analizouse en profundidade a fenda salarial entre homes e mulleres, unha diferenza que se foi agravando coas políticas de recortes e axuste do Goberno de Mariano Rajoy. As mulleres gañan a nivel nacional, un 23´93% menos, isto quere dicir que as mulleres teñen que traballar 84 días máis ao ano para percibir o mesmo salario que un home, fenda que tamén aumenta en Galicia chegando ata o 24´2%. Segundo os datos, as 50.000 mulleres traballadoras que hai na provincia, debido a diferenza salarial cos homes estimada 8.955 euros ao ano, están a perder un total de 447 millóns de euros. Tráse de cifras que, lonxe de mellorar, están a empeorar coa ausencia de políticas activas e efectivas de igualdade.
Os socialistas denuncian ademais, que debido aos axustes económicos do Goberno, as mulleres teñen moitas máis dificultades para acadar un emprego, e cando o acceden a el o fan en peores condicións, con maiores taxas de temporalidade e con máis contratacións a tempo parcial. Esta situación agrávase co escaso número de políticas de igualdade entre mulleres e homes promovidas polos Gobernos Populares. De feito, chegaron incluso a entorpecelas, como no caso de Galicia onde os socialistas aprobaran a Lei do traballo en igualdade das mulleres pero o Goberno de Feijoo paralizou o seu desenvolvemento.
Cifras alarmantes
Para o PSOE “nos atopamos así ante unha situación discriminatoria insostible que se está a agravar co desmantelamento do Estado do Benestar e cos reformas laborais promovidas polo Goberno do PP”. Neste senso, explican os socialistas, “as cifras son alarmantes, xa que preto do 27% das mulleres galegas atópanse en risco de exclusión social”.
As mulleres galegas gañan 2´34 euros menos que os homes galegos por hora e tamén dous euros menos que a media das mulleres españolas. Galicia é a comunidade onde as mulleres perciben un salario bruto medio anual máis baixo, un 14´38% menos que o resto do Estado, é dicir, uns 2.800 euros menos ao ano. No caso dos contratos a tempo parcial as mulleres perciben un salario medio anual un 25´9% e nos que os homes na mesma modalidade, e dun 11% no caso dos contratos a tempo completo.
Compromiso co emprego en igualdade
Tendo en conta todos estes datos, o PSOE mostra a súa preocupación pola situación que están a soportar moitas mulleres, moi prexudicadas pola crise, e comprométese a loitar por unha mellora das súas condicións laborais. Os socialistas consideran que tanto o Goberno de Rajoy como o de Feijoo deben asumir as súas responsabilidades políticas neste eido e fomentar políticas activas de emprego en igualdade de oportunidades, que igualen as prestacións das mulleres coas dos homes, con pensións tamén igualitarias, e encamiñadas a compaxinar a vida laboral e familiar.
Ao remate da xuntanza as participantes comprometéronse a convocar novas sesións para continuar traballando en prol da igualdade, nas que as participantes propoñan ideas e proxectos que se podan levar a cabo para mellorar a situación das mulleres no entorno laboral.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
