Alcalde é aquel que se interesa polos seus veciños durante todos e cada un dos días do seu mandato, e non só a días dunhas eleccións municipais. Suárez Barcia non parece decatarse disto, e só actúa ás portas da cita coas furnas. Antes, durante os preto de 1.400 días que xa percorreron da lexislatura, non amosou interese algún por atender ás reivindicacións dos ribadenses.
Creo que o que fai bo a un alcalde é a súa constancia na dedicación e entrega cos veciños. O traballado diario evitaríalle Suárez Barcia protagonizar feitos cando menos insólitos. Os poucos días que distan das eleccións lévao a, con fondos de todos os ribadenses, adecuar camiños do rural en días de choiva. O diñeiro de todos débese empregar de xeito óptimo e en actuacións que perduren no tempo.
Os populares levamos seis anos pedindo actuacións no parque infantil de San Francisco. Urximos reiteradamente estas obras dada a perigosidade que entraña a súa situación actual. O señor alcalde, ao parecer, non se deu conta ata agora deste risco para os cidadáns. Un caso semellante dáse coa adecuación do segundo treito da rúa Ramón González. Os fondos propios estaban dispoñibles durante toda a lexislatura, polo que hai que preguntarse: Se tiña o diñeiro, por que non respondeu antes aos veciños? Traballa só en eleccións. Ás presas, tarde e mal.
Pero como ata do negativo temos que sacar algo positivo e vendo que só se involucra nesta época, lánzolle ao señor alcalde de novo unha urxencia: para cando unha solución ao deporte ribadense e ao Ribadeo F.C.? O campo de fútbol necesita melloras. O alcalde non pode seguir pechando os ollos.
Dende o Partido Popular de Ribadeo sempre trasladamos a necesidade de que se acometesen as actuacións mencionadas e así o solicitamos de xeito reiterado. O que lamentamos é que só sexan escoitados os veciños en época electoral. Cando menos é curioso que dende o Bloque Nacionalista Galego, que se enchen a boca a hora de criticar a outros, en poñer deberes aos demais, non dubiden en empregar esta práctica electoralista de xeito descarado e co único fin de manterse no seu posto.
Jesús López Penabad
Candidato do PP en Ribadeo
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
