A asemblea de afiliados do PSOE de Ribadeo aproba por aclamación a candidatura encabezada por Roberto Ramos

RIBADEO, 7 DE ABRIL DE 2015.- A asemblea de afiliados do PSdeG-PSOE en Ribadeo, nunha xuntanza celebrada na tarde-noite de onte, aprobou por aclamación a candidatura para as eleccións municipais do 24 de maio encabezada por Roberto Ramos Piñeiro, e que será presentada publicamente esta semana.

Dado o éxito do resultado, o secretario xeral da agrupación local – Víctor López Pérez- explicou que “celebramos a asemblea extraordinaria, como así o mandan os estatutos do partido, para elixir á persoa que nos representará como candidato á alcaldía nas próximas eleccións municipais do mes de maio. Neste punto da orde do día poderían presentarse varios candidatos ou candidatas, pero soamente se presentou a candidatura por parte da executiva local, que, como xa fora anunciado, está encabezada por Roberto Ramos Piñeiro, quen presentou aos compoñentes que o acompañarán na lista”.

“A unión de todos os socialistas”
Por este motivo, Víctor López amósase satisfeito. “Só nos queda seguir traballando, agora un pouco máis aínda, para lograr uns bos resultados no mes de maio”, afirma. Pola súa banda o alcaldable socialista recoñece as súa satisfacción pola aprobación que, “unida á decisión que tomou no seu día a executiva local que, por unanimidade, escolleume como candidato, podo dicir que isto ratifica a unión de todos os socialistas dentro deste proxecto de gobernabilidade para o Concello de Ribadeo que eu encabezo”.