A Coruña, 9 de abril de 2015.- O delegado do Goberno en Galicia, Santiago Villanueva, presidiu na mañá deste xoves na Coruña a reunión da Comisión de Seguimento do Plan Director para a Convivencia e Mellora da Seguridade Escolar en centros educativos, un plan que persegue reforzar a educación, prevención e vixilancia nos centros escolares. Faino poñendo a disposición da comunidade educativa a asistencia técnica precisa para axudar a previr e abordar os episodios que poidan ameazar a convivencia escolar, así como axudando a mellorar o coñecemento dos alumnos, pais e profesores sobre os problemas de seguridade que afectan aos mozos.
Na sesión deste xoves analizáronse os resultados de aplicación deste plan no segundo trimestre do presente curso académico 2014-2015 (que se corresponde co primeiro trimestre de 2015), un período no que se beneficiaron destas estas actividades 44.382 membros da comunidade educativa en Galicia (entre pais, profesores e alumnos), incrementando en 5.800 os beneficiarios contabilizados no mesmo trimestre do ano anterior e chegando case a duplicar aos do primeiro trimestre do presente curso, polo que cada vez son máis os que se benefician das actividades enmarcadas no plan director. Así, en conxunto, no primeiro semestre do presente curso escolar participaron 71.222 membros da comunidade educativa, dos que 64.499 eran alumnos das diferentes etapas, mentres que o resto eran membros dos equipos directivos, pais/nais ou profesores/titores.
O balance provisional de aplicación do Plan Director no curso 2014-2015 bota tamén un significativo incremento de solicitudes de participación e de actividades con respecto aos cursos anteriores. Así, nos dous primeiros trimestres deste curso desenvolvéronse 1.643 actividades (663 no primeiro trimestre e 980 no segundo).
As novas tecnoloxías, o que máis interesa
Os datos evidencian que pais, profesores e alumnos manteñen o seu interese polo uso seguro das novas tecnoloxías. Do total de charlas solicitadas pola comunidade educativa neste segundo trimestre 980, a maior parte (421) inclúense nesta categoría, o mesmo que sucedeu durante o primeiro trimestre e durante o pasado curso académico, co que se consolida como a materia máis reclamada, seguida en interese polas temáticas de acoso, alcohol, drogas e violencia de xénero. Así o destacou o delegado do Goberno, quen indicou que “en cando se detecta unha preocupación concreta, se incrementan as actividades, xa sexa de seguridade ou de formación,”.
Así mesmo, o delegado informou de que no trimestre analizado se desmantelaron 4 puntos de venda de drogas próximos a centros escolares (dous na provincia de Pontevedra, un na de Lugo e outro na Coruña).
Obxectivo: mellorar a seguridade no eido escolar
O Plan Director para a Convivencia e Mellora da Seguridade Escolar é unha iniciativa do Ministerio do Interior que se executa fundamentalmente a través dos Corpos e Forzas de Seguridade do Estado e no que tamén colaboran os ministerios de Educación, Cultura e Deportes, e outros axentes socioeducativos, así como as comunidades autónomas e a Federación Española de Municipios e Provincias, entre outras institucións. É por iso que, ademais do delegado, á reunión desta mañá asistiron: o subdelegado do Goberno na Coruña, Jorge Atán; o director da Área de Alta Inspección de Educación da Delegación do Goberno, José Antonio Gay; os responsables do plan no Corpo Nacional de Policía e Garda Civil; representantes da Consellería de Cultura, Educación e Ordenación Universitaria da Xunta; o xefe da Unidade de Coordinación de Violencia de Xénero de Galicia e as catro responsables provinciais da Unidades de Violencia de Xénero nas Subdelegacións do Goberno.
Esta colaboración materialízase fundamentalmente no desenvolvemento de charlas a alumnos, que dirixen especialistas do Corpo Nacional de Policía ou da Garda Civil (en función da localización xeográfica do centro); en reunións da comunidade educativa con expertos policiais, e no acceso permanente a un experto policial ao que consultar calquera problema relacionado coa seguridade ou convivencia no centro escolar. Así mesmo, concrétase na mellora da vixilancia do ámbito dos centros e, ademais das charlas, o Plan complétase con actividades como visitas a centros policiais, xornadas de portas abertas, exposicións e concursos.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
