‘Parolando’ sobre as estafas das eléctricas e das empresas de comunicacións

O xoves 23 de abril o programa ‘Parolando’ de Radio Burela emitiu un coloquio sobre as continuas estafas e roubos que fan certas empresas eléctricas e de comunicacións. Para falar do tema estiveron presentes no programa dúas avogadas: Noelia Rodríguez (experta en mediación) e Laura Rivas (experta en arbitraxe). Tamén estiveron presentes tres persoas vítimas dos continuos timos deste tipo de empresas: Inés Cobas, Ana Aínse e José Luís Moñita (este último representante dunha plataforma de consumidores en contra das eléctricas). Desveláronse durante o programa múltiples casos de roubos enmascarados deste tipo de empresas, as súas trampas habituais para facerse cos cartos dos consumidores e a súa falta de honradez profesional. Reivindicouse tamén a necesidade de facer novas leis que acaben con esta práctica continuada de trampas e roubos.