O pasado martes, 31 de marzo, foron convocadas oficialmente as eleccións municipais para este ano 2015. En menos de dous meses teremos a posibilidade de escoller entre os diferentes proxectos de goberno, xunto coas persoas que as propias formacións políticas nos propoñan, para un periodo de catro anos de mandato.
Desde hai un tempo, un grupo de veciñas e veciños de Ribadeo, estamos a promover unha alternativa democrática onde a participación cidadá na xestión dos recursos públicos, teña un protagonismo que vaia moito mais alá das campañas electorais.
Por iso, desde a plataforma veciñal “Ribadeo en Común”, andamos a recoller sinaturas para concorrer ás eleccións municipais como unha “agrupación de electores”, co obxetivo de impulsar desde as institucións un novo sentido democrático baseado na participación e na transparencia, que axude a superar a actual situación de desafección política extendida na maioría social.
O prazo para presentar as 500 sinaturas, xunto coa fotocopia do D.N.I. esixidas por lei, remata o día 20, e de iso dependerá a posibilidade de que apareza unha candidatura veciñal xunto as listas dos partidos políticos.
Queremos facer un chamamento a todas as persoas que, independentemente da súa intención voto, entendan que a nosa proposta merece unha oportunidade.
Así mesmo, queremos convidar formar parte da nosa lista de candidatos, a todas aquelas persoas que, asinando o noso manifesto e unha carta de compromisios éticos, desexen participar nunhas primarias abertas que teñen de prazo ata o domingo 5 de abril.
Se tedes interes por algunha destas cuestións podedes pasar por Clip Graff ( rúa San Francisco nº 8), chamarnos ao número de teléfono 698 13 34 47 ou enviarnos un correo a ribadeoencomun@gmail.com.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
