Recentemente asistimos ó anuncio a bombo e platillo do candidato do PP de Burela: “se gaño as eleccións, serei o responsable da concellería de mar”. Menos mal que dende Compromiso sabemos que tal cousa non vai pasar.
Dito esto entendemos que os veciños de Burela teñen que ser coñecedores do seguinte:
1. As políticas pesqueiras son de caracter comunitario, e veñen reguladas pola “Política Pesquera Común”. Pouco peso ten o SR. Barcia en Bruxelas.
2. O PP e o PSOE utilizan a P.P.C. como moeda de cambio. Nomear Comisarios … por iso sistematicamente estamos sendo ninguneados.
3. O Goberno de Rajoy, con asesores galegos na materia, e aportacións do Sr. Barcia e do Sr. Balseiro por eles anunciadas, dictou unha Orde Ministerial AAA/1307/2013 que ten como función regular a xestión da pesca no caladoiro Cantábrico/Noroeste, que é o noso. Cotas, reparto, paros…
4. O PP vendeu esta Orde como a solución definitiva ó sector e como exemplo de xestión. As empresas armadoras poderían adquirir dereitos de pesca. Algunha fixo inversións de 600.000 €.
Pois ben, dende Compromiso poñemos en coñecemento dos veciños de Burela a nula capacidade de xestión na materia do PP porque esta Orde Ministerial foi anulada pola Audiencia Nacional en Sentencia o 17/02/2015, entre outras cousas porque a Orde vai en contra de Leis de ámbito superior. GRAN CAPACIDADE DE XESTIÓN DO PP.
Este feito supón unha grave inseguridade para as casas armadoras, ademais de poñer en perigo a inversión realizada. Sen empresas non hai traballo Sr. Barcia.
Non vimos a ningún cargo do PP explicar esta situación nun sector importante e bandeira da economía de Burela.
Sr. Barcia, ¿é rentable para Burela ter unha concellería de mar? Dende logo coa capacidade demostrada neste caso polo PP creo que non, se vostede é o responsable.
Dende COMPROMISO pedimos explicacións o PP de Burela sobre a nefasta xestión deste asunto. Que os veciños xulguen.
Juan Carlos Piñeiro Docampo, candidato de Compromiso x Galicia – Concellos Transparentes en Burela.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
