Ribadeo, 6 de maio de 2015.- Un ano máis o Concello ribadense facilitaralle á veciñanza a realización da declaración da renda. Será a través do servizo que pon en marcha xunto coa delegación da Axencia Tributaria de Lugo, que desprazará a Ribadeo a un funcionario para axudarlles a facer a declaración da renda gratuitamente aos que así o demanden. Os interesados poderán solicitar as súas citas a partir deste venres, 8 de maio, ás 9 da mañá desprazándose ata o Concello, segundo informou no día de hoxe o alcalde, Fernando Suárez.
O rexedor dixo que “como todos os anos desde xa hai bastantes o Concello de Ribadeo en colaboración coa delegación da Axencia Tributaria de Lugo pon en marcha un servizo para asistir aos veciños e veciñas, que así o demanden, na elaboración da súa declaración da renda. É un servizo moi demandado e valorado e o que persegue é achegar a administración ao cidadán”.
Suárez Barcia subliñou que “só se dará unha cita por persoa, para que chegue ao maior número de xente posible. E para anotarse haberá que achegarse ata o Concello. Para dar as citas, para que a xente difunda esta noticia e para que non haxa queixas o que imos facer é comezar a dar as citas o venres, 8 de maio, a partir das nove da mañá. Non fai falla que a xente se aglomere porque haberá citas suficientes para todo o mundo”.
O alcalde insistiu: “para pedir cita será a partir deste venres e despois un técnico da Axencia Tributaria desprazarase a Ribadeo a partir de mediados de maio. Animo a todos os veciños e veciñas a que demanden as súas citas. Estamos encantados no Concello de poder ofrecer, un ano máis, este servizo”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
