Mondoñedo, 23 de xuño de 2015- O edil de Educación, Mocidade e Novas Tecnoloxías, Alberto García, da a coñecer o programa ‘Aberto por Vacacións’ que, segundo informa, inclúe actividades ofertadas dende a Casa da Xuventude e dende a Escola de Música para o mes de xullo. O prazo para inscribirse nas diferentes actividades xa está aberto.
Alberto García di que o programa ‘Aberto por Vacacións”, impulsado pola Concellería de Educación, Mocidade e Novas Tecnoloxías, ten por obxecto “ofrecer, de xeito gratuíto, opcións alternativas nesta tempada estival para os máis pequenos da casa”.
Actividades que se imparten na Casa da Xuventude
En concreto, na Casa da Xuventude volverá a ofertarse a iniciativa Fesqueleandocospeques, que trae unha serie de actividades variadas tanto de interior como de exterior (actividades con plastilina, debuxo, xogos na Alameda…) para os máis novos. Celebrarase para nenos de 4,5 e 6 anos, todos os luns e martes de xullo, de 10.45 a 11.45 horas. Mentres que se ofertará para os nenos dende os sete anos, tamén todos os luns e martes de xullo, pero neste caso en horario de 12.00 a 13.00 horas.
A maiores, entre as actividades de verán que se desenvolverán na Casa da Xuventude atópanse dous obradoiros. O primeiro deles, dirixido a nenos a partir dos doce anos, consiste na restauración dunha carroza, que se viña empregando no pasado para as cabalgatas de reis ou os desfiles nas festas. O obradoiro de restauración da “carroza da zoca” impartirase os mércores e xoves do mes de xullo de 11.00 a 13.00 horas.
E por último, terá lugar unha nova edición do obradoiro de teatro, tanto para os máis novos como para os maiores, tratándose dunha actividade con moi boa acollida polos mindonienses. O obradoiro de teatro para o grupo de infantil (a partir dos 7 anos) celebrarase os venres de 10.30 a 12.00; mentres que o dirixido a maiores de 14 anos será tamén os venres, pero neste caso de 12.00 a 13.30 horas.
Inscricións na Casa da Xuventude
Os interesados en Fesqueleandocospeques así coma nos dous obradoiros poderán anotarse na propia Casa da Xuventude en horario de mañá (09.00 a 14.00 horas) e a través do teléfono 982 507 105, onde serán atendidos pola responsable da Oficina de Información Xuvenil, Esther Otero.
Curso de Música
Alberto García tamén informa de que foi aberto o prazo de inscrición no VI Curso Interdisciplinar de Música de Mondoñedo, organizado dende a Escola Municipal de Música “O Pallarego” que dirixe Xan Carballal.
O prazo para anotarse finaliza o venres 10 de xullo, e as follas de inscrición poderán entregarse na Escola de Música ata ese mesmo día (Alcántara S/N, teléfono 982 50 73 85).
Así, dende a Concellería de Educación, Mocidade e Novas Tecnoloxías animan a todos a participar nas actividades de verán da Casa da Xuventude e da Escola de Música, que se desenvolverán durante o mes de xullo.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
