Os socialistas levan unha moción ao vindeiro pleno municipal centrada en reforzar a limpeza de parcelas e faixas de protección contra incendios
O Vicedo, 14 de xullo de 2025. O PSdeG-PSOE do Vicedo presentará no vindeiro pleno municipal unha moción centrada na prevención de incendios forestais, coa que propón actuar sobre as fincas sen limpar próximas ás vivendas e aos núcleos de poboación. Os socialistas solicitan que o Concello notifique ás persoas propietarias as súas obrigas legais, estableza prazos claros e active a xestión subsidiaria, se fose necesario, a través do convenio vixente con SEAGA.
A veciñanza do Vicedo ten trasladado ao grupo socialista a súa preocupación polo estado de moitas parcelas lindeiras con vivendas e de faixas sen limpar, nas que se acumula vexetación e maleza, incrementando o risco de incendio. “O abandono de parcelas próximas ás vivendas está xerando unha gran preocupación entre a veciñanza, especialmente durante os meses de verán”, advirten desde o PSdeG, que insiste na necesidade de “actuar con antelación para evitar riscos maiores e garantir a seguridade das persoas e das súas propiedades”.
A moción lembra que a lexislación galega obriga a manter limpas as parcelas situadas a menos de 50 metros de vivendas, instalacións ou núcleos de poboación antes do 31 de maio de cada ano. “É unha obriga legal que non se pode ignorar, e o Concello debe ser o primeiro en garantir que se cumpre”, sinalan os socialistas.
A proposta inclúe que o Concello remita notificacións formais ás persoas propietarias, informando das súas obrigas e das posibles sancións. “Non abonda con mirar para outro lado. Se non hai limpeza, ten que haber consecuencias”, engaden.
O PSdeG reclama que, unha vez rematado o prazo sen terse realizado a limpeza, o Concello active os mecanismos previstos no convenio con SEAGA, ao que está adherido desde o ano 2019, subsanando a situación e repercutindo os custos ás persoas responsables.
A moción tamén propón poñer en marcha campañas anuais de información e concienciación para fomentar o cumprimento das obrigas legais e sensibilizar sobre a importancia de manter limpas as parcelas.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
