Trátase dun potente á zurdo de 22 anos que se acabou de formar na canteira do Illes Balears Palma Futsal e que procede do MKN Pula croata
Burela, 14 de xullo, 2025. O internacional venezolano Jason García convértese na primeira fichaxe do conxunto masculino do Burela FS para a tempada 25/26 en Segunda División. Trátase dun potente e veloz á zurdo de 22 anos que se acabou de formar na canteira do Illes Balears Palma Futsal e que procede do MNK Futsal Pula croata, equipo co que competiu o pasado curso na Primeira División do país balcánico e na que anotou 8 goles en 19 encontros disputados.
Jason García Gual (Mataró-Barcelona, 8-6-2003) empezou a xogar ao fútbol sala no equipo da súa cidade natal e en xuvenís enrolouse na canteira do Illes Balears Palma Futsal. Alí compaxinou o equipo xuvenil co filial de 2ªB, o ETB Calvià-Palma Futsal, chegando a debutar mesmo co primeiro equipo. Durante a súa etapa na estrutura palmesana recibiu tamén a chamada da selección española Sub-19, aínda que posteriormente decidiu competir coa absoluta de Venezuela, de onde son as súas raíces familiares. Despois do segundo equipo de Palma pasou ao UD Ibiza Gasifred, onde competiu en Segunda e logrou marcar 9 goles na campaña 2023/2024, previa á súa marcha ao fútbol sala croata.
Jason García, que se define como “un xogador eléctrico, veloz e moi intenso”, está moi contento de unirse á entidade mariñá. “Está claro que o Burela FS é un gran club e un histórico do fútbol sala español. Buscaba un proxecto ambicioso e que me motivase a dar o máximo de min e aquí estou seguro de que o atopei”, explica o internacional coa Vinotinto.
O á catalán espera “achegar todas as miñas calidades e axudar ao equipo o máximo posible”, confiando en que “seguro que poñendo cada un o seu gran de area lograrase o obxectivo que nos propoñamos e espero vivir unha gran tempada chea de alegrías e vitorias”, sinala. Finalmente, Jason convida á súa nova afección “a que veña a animar como sempre fixo e que nos axude a cumprir coas nosas metas, sendo todos un desde o principio e ata o final da tempada”, conclúe.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
