O DOG publica o decreto polo que a Xunta lle transfire ao Concello da Pontenova un treito da Estrada provincial LU-P-4803

Santiago, 29 de xuño de 2015.- O Diario Oficial de Galicia publica hoxe o decreto polo que se cambia a titularidade dun treito da estrada da Pontenova á Augaxosa .Trátase dun tramo da vía LU-P 4803 de case 500 metros, que vai dende o seu inicio (punto quilométrico 0+000) ao p.q. 0+439 e que discorre integramente por este concello da provincia de Lugo http://www.xunta.es/dog/Publicados/2015/20150629/AnuncioCA02-180615-0002_gl.html.

Deste xeito, a Consellería de Medio Ambiente exerce as súas competencias de tramitación e deulle o visto e prace á solicitude de transferencia formulado polo municipio á Deputación de Lugo. A teor do previsto no artigo 9.4 da Lei 8/2013, de estradas de Galicia, os cambios de titularidade das estradas ou treitos delas, así como de elementos funcionais e espazos da zona de dominio público adxacente, como é o caso destas parcelas, deberán ser aprobados por decreto da Xunta, por proposta da consellería competente en estradas.

En aplicación dos puntos 4 e 6 do artigo 10 da Lei 8/2013, do 28 de xuño, de estradas de Galicia, o Concello da Pontenova deberá modificar o seu catálogo de estradas para incluír o cambio de titularidade.

A entrega deste treito de estrada deberá formalizarase no prazo dos dous meses seguintes á publicación deste decreto no DOG, mediante a sinatura da correspondente acta de entrega.

Serán competencia do Concello da Pontenova, a partir da formalización da entrega, todas as actividades de xestión, mantemento, conservación e explotación dos terreos sobrantes, así como o exercicio das funcións de disciplina viaria e calquera outra que puidese corresponderlle como nova Administración titular dos terreos.