Ribadeo, 30 de xullo de 2015.- A 25ª edición da semana náutica que organiza o Real Club Náutico de Ribadeo foi presentada este xoves e na súa programación inclúe nove regatas, unha zalea (excursión lúdica en diversas embarcacións) ata o muíño das Aceas e un campionato infantil de pesca.
O presidente do Real Club Náutico de Ribadeo, Ramón Acuña, que estivo acompañado por varios membros da xunta directiva da entidade, explicou este mediodía que “para o club é unha satisfacción presentar hoxe esta 25ª edición da Semana Náutica, na cal por terceiro ano consecutivo temos un programa sinxelo, pero que abarca todas aquelas actividades que durante a Semana Náutica se viñeron celebrando estes 25 anos”.
Ramón Acuña anunciou que as actividades “empezan o día 6 de agosto e finalizarán o día 15 dese mesmo mes coa entrega de trofeos. O xoves día 6 temos o cuarto trofeo ACISA de cruceiro local; o venres 7 haberá o XVI trofeo Abanca de vela tradicional; o sábado día 8 teremos varias actividades, porque ás 10 da mañá terá lugar o quinto trofeo Real Club Náutico de Ribadeo e o campionato de infantil de pesca, as 11 temos o segundo trofeo Seat-Talleres Armando correspondente ás escolas de verán, de vela lixeira, para os rapaces que estiveron durante todo o ano na escola de vela, e ás 5 da tarde, como sempre, o XVII trofeo de Paradores, tamén de vela lixeira; o domingo día 9 ás 11 da mañá temos o trofeo da escola municipal de vela lixeira, tamén para aqueles rapaces que estiveron na escola de vela do Concello; e ás 5 da tarde terá lugar o XVII trofeo da Deputación de Lugo de vela lixeira; o luns 10 temos o 25º trofeo Concello de Ribadeo de vela tradicional, que se ven celebrando desde o principio e non houbo ningún ano que se deixara de facer; o martes día 11 temos o quinto trofeo Abanca de cruceiro local; o mércores 12, o cuarto da Semana Náutica, tamén de cruceiro local; e o xoves día 13 por fin podemos facer este ano unha zalea, que non será a Abres, como se viña facendo de forma tradicional e que levábamos dous anos sen poder realizala por mor das dificultades que pon a Confederación Hidrográfica para que se poidan facer estas actividades e este ano aínda que conseguimos o permiso coincidía para un día no que non a podemos facer porque era o último día de agosto e a maioría dos socios xa non están en Ribadeo; e, por outro lado, a marea non era precisamente a máis adecuada. Polo tanto, para dar unha satisfacción a todos aqueles socios que non estaban pedindo que se fixese unha zalea e tendo en conta que agora as instalacións do muíño de mareas da Aceas están reconstruídas e teñen un área recreativa que pode acoller a nosa estancia alí, pensamos que podía ser unha forma de ter unha pequena zalea, non moi grande porque é cerquiña, pero podemos facela todo o longa que queiramos pois dar voltas pola ría tamén é bonito. E o sábado día 15 ás 20 horas faremos a entrega de trofeos desta Semana Náutica”.
O presidente do Náutico ribadense destacou que “para nós esta Semana Náutica implica dúas cousas: poder seguir ano tras ano facéndoa e nesta edición rendemos unha pequena homenaxe a un dos nosos socios falecido xa hai uns anos, Alberto Pelegrín, que ademais das dúas dotes de bo navegante e de bo xestor, como demostrou cando este club se puxo en marcha pois el foi un dos homes que estivo aquí sempre ao carón da xente que quixo facer posible esta iniciativa, tamén tiñan unha faceta, que eu descoñecía, de pintor excepcional. Entón no cartel desta Semana Náutica reprodúcese un dos seus cadros e no programa de man vai ese e tamén outro, nos que se reflicten a arte que tiña este home. É unha maneira sinxela pola nosa parte de renderlle homenaxe a todos aqueles que sempre puxeron en valor o Real Club Náutico de Ribadeo”.
Ademais Acuña aproveitou para anunciar que “en breve vamos ter en funcionamento a estación de servizo, tan demandada polos socios, e que a día de hoxe xa é unha realidade”. Tamén comentou que “este ano conseguimos legalizar totalmente a denominación de Real Club Náutico de Ribadeo, porque dende hai uns dous meses pódese dicir que o nome Real Club Náutico de Ribadeo é unha realidade, non antes, porque no seu momento solicitóuselle á Casa Real e despois das consultas pertinentes concedeu o privilexio de utilizar o símbolo de Real. Pero iso leva consigo outra tramitación, que é legalizar os estatutos adecuadamente e ademais todas as xestións que hai que facer ante Deportes para que iso sexa unha realidade. E no país no que estamos as cuestións administrativas son moi lentas, polo que levamos dous anos loitando para que se adaptasen os estatutos e ademais para conseguir que dentro do rexistro de entidades deportivas que este club pasase a denominarse Real Club Náutico de Ribadeo”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
