Burela, 31 de xullo de 2015.- O salón de conferencias de Burela acolleu este xoves pola tarde-noite a presentación da Campaña de Socios/as 2015-16 do CD Burela FS Pescados Rubén ante unha notable afluencia de público coa estrea do spot da tempada que está a punto de comezar e sorteos, en primicia, das novas camisetas.
Baixo o chamamento E ti? Estás preparad@ para a batalla?, o vídeo laranxa 2015-16 amosa algunhas das marabillas da comarca da Mariña, do seu patrimonio natural e arquitetónico, unidas ás raíces históricas da bisbarra e de Burela, á idiosincrasia do pobo castrexo. Os equipos laranxas imbúense da paz e serenidade dos seus antergos, pero tamén da valentía e da bravura, para afrontar 2015-16, co apoio sempre incondicional da afección da Marea Laranxa.
Dende o club, queremos amosar un agradecemento moi especial ao clan Os Jabalís, sempiterno gañador dos Xogos Castrexos de Burela, pola súa colaboración no spot; ao xornalista de Radio Galega Toni López, por prestarnos a súa voz; e a Radio Burela, por cedernos o seu estudo de gravación.
Baixada de prezos
O club laranxa prepárase para a batalla 2015-16 con baixada de prezos nos abonos. O FAMILIAR redúcese de 150 a 140 euros, o INDIVIDUAL pasa de 90 a 75 euros, o XUBILADO mantense en 60 euros e créanse dúas modalidades para os máis novos, ABONO 25 (18-25 anos) 30 euros e ABONO 17 (0-17 anos) 10 euros.
A entrada xeral, para non socios, tamén experimenta desconto, 10 euros para adultos e 5 para menores de idade.
Días do club máis baratos
Para os socios haberá dous Días do Club en Vista Alegre, con FC Barcelona (5 de decembro de 2015) e Movistar Inter (2 de abril de 2016), 5 euros/adulto e 1 euro/menores. Os prezos para o público xeral nestas dúas citas será de 15 euros para adultos e 5 para menores de idade, importe que tamén deberán asumir fronte a ElPozo Murcia (16 de abril de 2016 -gratuíto para socios-).
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
