Foz Plataforma de Futuro denuncia “descontrol” nas instalacións da Casa de Cultura de Foz

Foz, Plataforma de Futuro quere facer público “o descontrol existente nas instalacións da Casa de Cultura de Foz nestes momentos”. O pasado 8 de xullo denunciábamos como os membros de “Foz, Plataforma de Futuro” recibíamos numerosas queixas de usuarios da biblioteca municipal pola falta de persoal, instalacións cerradas en horario ó publico, etc, etc.

E 10 días despois, “dende FPF temos que dicir que os problemas eses non so non se solucionaron, senón que foron a peor; xa que en pleno mes de xullo encontrámonos con persoal da Casa da Cultura de baixa, ou de vacacións, tendo que facer o resto do persoal desta instalación o traballo que xa tiñan encomendado e, a maiores, atender estes servizos que se atopan desatendidos”.

Por todo isto, piden “á concelleira de Cultura, e no seu caso tamén ó alcalde do noso Concello, que tome as medidas oportunas para solucionar ditos problemas, que están a facer que os traballadores que nestes momentos están nas dependencias da Casa da Cultura non poidan facer o seu traballo nas mellores condicións posibles, e os veciños e veciñas que acoden ós distintos servizos que existen nesta dependencia non son atendidos correctamente. Polo que se pode ver, a falta de organización do equipo de goberno do concello, está levando a situacións de falta de atención e servizos ós veciños e visitantes de Foz”.

Así mesmo, Foz Plataforma de Futuro manifesta tamén “a falta de sensibilidade cos actos Culturais do Concello do equipo de goberno de Foz do PP, pola falta de representación dos seus membros na inauguración da exposición deste xoves pasado, de “Peixes de Tinta e Barro” que se celebrou no Cenima”.