Santiago, 5 de xullo de 2015.- Nunha xornada organizada pola Consellería do Medio Rural e do Mar baixo o lema “Vivir do Mar, Tecer o Futuro”, o GAC 1: A Mariña – Ortegal fará balance dos proxectos executados entre 2007 e 2013, e plantexará as liñas estratéxicas do novo plan de investimentos que a comisión Europea de Pesca enviará a Galicia entre 2015 e 2020. A xornada celebrarase o vindeiro martes 7 de xullo na sede do Arquivo Histórico da Confraría de Pescadores de Burela.
No anterior período a Consellería do Medio Rural e do Mar aprobou nos territorios costeiros de A Mariña e Ortegal un total de 62 proxectos dos GAC por valor de máis de 2 millóns de euros, que se destinaron a apoiar proxectos relacionados cos produtos do mar, o turismo, a hostalaría e a recuperación do patrimonio.
Estes fondos e os esforzos centrados na diversificación económica permitiron mellorar as taxas de crecemento económico e o emprego destas zonas, contribuíndo a aumentar a capacidade de elección das persoas do sector á hora de buscar novas fontes de ingresos, promovendo a igualdade de oportunidades entre mulleres e homes e a conservación do patrimonio natural, cultural e histórico destas zonas.
Agora, coa posta en marcha do novo Fondo Europeo Marítimo e de Pesca (FEMP), o GAC 1 volverá contar con recursos dirixidos á dinamización económica, social e cultural das zonas de pesca.
A xornada do martes será a primeira dunha serie de encontros que se levarán a cabo en todos os GAC de Galicia durante o mes de xullo e que culminarán cun encontro final na Cidade da Cultura, en Santiago de Compostela, no que participarán membros de todos os Grupos de Acción Costeira galegos. Esta xornada final, que se celebrará no mes de setembro nunha data aínda por fixar, servirá para presentar as conclusións destas xornadas previas celebradas en cada GAC, debatelas e intercambiar experiencias e impresións de cara a trazar liñas e proxectos conxuntos entre os distintos territorios costeiros.
PROGRAMA DA XORNADA “VIVIR DO MAR, TECER O FUTURO” – GAC 1
7 de xullo
Arquivo Histórico da Confraría de Pescadores de Burela
Porto de Burela s/n – Lugo
19:00 Presentación das xornadas.
19:15 Proxección do vídeo GRUPOS DE ACCIÓN COSTEIRA.
19:30 Balance: Resultados do Programa de axudas 2007-2013.
19:45 Presentación de experiencias locais: Proxectos de éxito no GAC1.
– Conservas Artesanas Curricán. Escollida en Europa entre os mellores proxectos empresariais para participar na Conferencia da Sailing Towards 2020. http://www.conservascurrican.es/
– Reef Water Coral Farm. Empresa pioneira en España na cría e cultivo de corais mariños, centrada na comercialización, a investigación e a distribución. http://www.reefwater.es/
– Escola de Deportes Náuticos da Mariña. Primeiro albergue galego para aprender inglés en náutica situado en Foz. http://www.anchor.es/
– Maresmasma. Proxecto de Deporte e Multiaventura. http://maremasma.com/
20:15 Retos de futuro no Eixo 4 (programa 2014-2020).
20:30 Degustación de productos pesqueiros da zona e intercambio de impresións.
Durante toda a xornada haberá actividades infantís para que os asistentes podan participar en familia .
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
