Barreiros, 5 de xullo de 2015.- O BNG de Barreiros non acudiu este domingo ao acto de izado de bandeiras azuis ao consideralo “outro episodio máis da improvisación e a falla de planificación da inexistente política turística do goberno municipal”.
Desde a formación nacionalista aseguran que é “preciso e urxente que se elabore un plan turístico no que se contemplen todas as actuacións necesarias para unha promoción conxunta do concello, poñendo en valor a totalidade dos recursos que hai en Barreiros”.
“Non é só facer o mínimo para repetir número de bandeiras azuis ano tras ano (que é o que fai este goberno municipal) senón que é preciso atender todas as praias e tamén o resto do concello, tanto na costa como na zona interior, onde tamén hai recursos que poden ter desenvolvemento turístico”, afirma a portavoz municipal Ana Ermida.
Desde o BNG aseguran que cada ano o traballo de preparación das praias faise máis tarde e peor. “Esta mesma semana, durante as tardes, estivéronse realizando labores de adecuación das praias, coa xente disfrutando delas e maquinaria pesada nos areais e os salvavidas e contenedores do lixo aínda non estaban colocados”, afirman. “Isto é mostra da deixadez e falla de interese que ten este goberno municipal, incapaz de planificar e ter as praias a punto cando empeza a temporada de verán”, declara Ana Ermida.
Lamentan desde o BNG que o Alcalde, Alfonso Fuente, “non teña memoria e non sexa tan incisivo e eficiente como esixía cando exercía de concelleiro de turismo, atacando ao seu propio goberno polo estado das praias; aínda sen estar no estado no que se atopan neste momento”.
Neste sentido, a formación nacionalista recorda que “a praia de Arealonga, en Reinante, perdeu o galardón xa en anos pasados, como consecuencia duns vertidos que seguen sen solucionarse e, a día de hoxe, o estado do areal é de absoluto abandono por parte do goberno municipal, incapaz de adoptar unha solución definitiva para a problemática da praia”.
Un plan turístico municipal para atender e promocionar os recursos propios, sen necesidade de buscalos noutros lugares
Desde o BNG instan ao goberno municipal a elaborar un plan turístico no que se lle dea participación ao sector e á veciñanza e no que se promocione a totalidade do concello: desde as praias á zona interior, pasando por espazos naturais de tanto valor como o Santo Estevo do Ermo ou o Río Masma. O BNG lembra que desde o grupo municipal nacionalista se teñen presentado iniciativas, que foron aprobadas en pleno, para poñer en valor o Santo Estevo ou promocionar os baños de setembro como medida de desestacionalización parcial do turismo e que sempre “quedan nun caixón”.
“Desde o goberno municipal non se ten feito nada en materia turística e de promoción. É máis, amortizouse a praza que existía para atender a este ámbito. Hai moito traballo por facer en materia turística en Barreiros, está todo por facer e non é preciso ir buscar recursos a outros lados para promocionarse, senón que hai que atender ao propio e, desde que haxa unha planificación municipal, poderemos aproveitarnos de outros recursos de toda a comarca”, afirman.
Desde o BNG pídenlle ao rexedor municipal “que planifique, que traballe e que se deixe de buscar protagonismos onde non procede e loite por ter un concello ao que a xente veña polo que atope nel, non por atoparse de paso para outros lugares”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
