Trabada, 9 de xullo de 2015. Celebrado o pleno organizativo do Concello de Trabada, a alcaldesa, Mayra García, deu a coñecer a estrutura do goberno municipal para os vindeiros catro anos ademais do nome dos concelleiros que se ocuparán de cada área de actuación “cunha estrutura horizontal, delegando áreas en todos os concelleiros do grupo de goberno”.
“Formamos un equipo unido, sólido e dinámico, as nosas grandes fortalezas, xunto cunha forte vocación de servicio público, formación, ilusión e ganas de traballar por e para os trabadenses con transparencia, eficacia e participación”, subliñou a rexedora.
“A participación e a comunicación directa cos veciños é a esencia deste Goberno local, a nosa maneira de traballar”. Debido a iso, este novo Goberno local “aprobou celebrar as sesión plenarias ordinarias ás 20.00 horas, para que os veciños poidan acudir, cunha periodicidade bimensual, no terceiro mércores hábil dos meses impares”.
Tamén aprobamos o réxime de retribucións dos membros corporativos, “que contará cunha dedicación parcial, cunha porcentaxe do 50% de xornada, por establecer unha proporción co goberno anterior, posto que incrementamos a atención ó publico en hora e media diaria, do que calquer veciño é coñecedor”, destacou a alcaldesa. “Eu sei que unha alcaldesa, é alcaldesa 24 horas e máis nun concello no que tan só contamos cunha dedicación”.
Establecemos unha retribución anual bruta de 18.675€, “a metade que o anterior alcalde, o que nos vai a supoñer un aforro total de nómina e seguridade social de 23.503,68€ anuais”. Na mesma liña, tal e como manifestamos na campaña electoral, “co fin de elaborar unha política de contención de racionalización de gastos correntes e de persoal, reducimos nun 25% a indemnización por asistencia a plenos e xuntas de goberno, pasando de 60€ a 45€”, explicou a rexedora.
Creamos unha estrutura do novo goberno local horizontal establecendo áreas de servizos municipais:
Área de alcaldía
Da área de alcaldía dependerán, especialmente, as áreas de Economía, Emprego, Servicios Sociais, Medio Rural e Infraestruturas.
Ademais das cuestións relativas á facenda local e recadación, esta concellería impulsará iniciativas para fomentar a creación de emprego, a través da formación e orientación para mellorar as oportunidades de inserción laboral, o emprendemento e as políticas activas de emprego.
Sacará adiante tamén iniciativas e proxectos que fomentarán as actividades económicas extratéxicas do noso concello.
Deste xeito, “queremos dar resposta a cada un dos desempregados do noso municipio e reactivar o tecido económico apostando pola gandeiría, a agricultura, o sector forestal como motores económicos xeradores de emprego”, subliñou a alcaldesa.
Igualmente, “damos protagonismo ás accións en favor da inclusión social, reforzaremos as políticas para garantir a inclusión e a igualdade de oportunidades”.
O tenente de alcalde, Miguel Fernández, encargarase da Área de Turismo, Comercio e Desenvolvemento Local.
“Temos un gran potencial para o turismo cultural, medioambiental e gastronómico. Situaremos a Trabada como porta de entrada a Galicia do Camiño Norte de Santiago, como fórmula de estímulo da economía e do turismo de Trabada, xa que polas parroquias de Ría de Abres, Sante e Trabada transcorre a ruta antigua do Camiño. Estamos seguros de que a declaración do Camiño Norte como Patrimonio da Humanidade vai a repercutir de forma moi positiva, tamén no noso Concello, pois nos vai a permitir a situar no mapa o noso concello. Temos a tarefa de por en valor esta ruta antiga, adoptar medidas que contribúan á súa conservación e mellorar a súa sinalización”, destacou a rexedora.
Alicia Yanes, será a responsable da Área de Urbanismo da que dependerán “unha das principais ferramentas para o crecemento ordenado do noso concello, o PXOM. Cremos que a xestión urbanística debe estar unida ao medio ambiente para conseguir un crecemento equilibrado, racional e sostible”.
Rubén García, encargarase da Área de Deportes e Saúde. A través desta área “colaboramos a crear hábitos de vida activos e saudables, ó mesmo tempo que ofrecemos alternativas de ocio”.
Julia Barcia, será a responsable de Educación, Cultura e Igualdade. “Cremos firmemente que a educación é a arma máis poderosa para combatir a desigualdade, é por eso, polo que cremos fundamental que estas tres áreas estén unidas”.
A estrutura de goberno e a distribución das concellerías tratan de responder “con rigurosidade ás necesidades das veciñas e veciños de Trabada, e conseguir un desenvolvemento social e económico xusto e igualitario aproveitando os nosos propios recursos e potencialidades”, explicou Mayra García.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
