Barreiros, 11 de agosto de 2015.- A xunta de goberno local aprobou sacar a concurso a construción dunha nova depuradora en Celeiro de Mariñaos, a ampliación do depósito cabeceira e a mellora da conexión cos outros depósitos. O investimento ascende a 1.200.000 euros. O alcalde, Alfonso Fuente, agarda proceder á súa adxudicación antes de finais de ano e que a obra estea lista e operativa o vindeiro verán.
O rexedor explicou que este domingo “celebrábamos unha xunta de goberno local na cal aprobamos sacar xa a concurso esta obra, na que levábamos tempo traballando, facendo proxectos, pois houbo que cambiar algúns, e ao final vai ver a luz. Estamos a falar dunha obra de 1.200.000 euros para facer unha nova depuradora en Celeiro de Mariñaos, ampliar o depósito cabeceira, que está en San Caetano, e mellorar a conexión cos outros depósitos”.
Segundo Fuente Parga “isto vai supoñer unha maior capacidade de xestión da auga. Hoxe mesmo comprobábamos todas as altas que levamos dado dende principios de ano e xa superamos as 300. Estamos atendendo ben o servizo, salvo que tivemos que sacar ese bando para que non se regaran os xardíns este verán, debido á seca. Estamos atendendo ben a demanda, pero somos conscientes de que despois deste verán e de toda a xente que está habendo temos que seguir mellorando a rede de abastecemento. Temos que ser previsores, porque non podemos estar traballando ao 100 por 100 e con calquera problema que teñamos poidamos deixar desatendida á poboación”.
E engadiu: “entón temos que facer este investimento, para o que nuns días se publicará xa no Boletín Oficial da Provincia e no Diario Oficial de Galicia e eu creo que antes de final de ano xa estará adxudicado e esperemos que empece a obra para tela en disposición xa para o verán que vén”.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
