CxG Burela pide o arranxo do Camiño do Tallo

Vaia por diante que dende CxG de Burela, tamén demandamos da Deputación de Lugo o arranxo e mantemento da estrada do litoral, non só por ser unha importante vía de fluxo de tráfico; senón porque consideramos que é, por si mesma, un potencial turístico, non só un camiño cara o hospital como di Llano.

Agora ben, o que xa non compartimos é a dobre moral do Sr. Llano, é dicir que pretenda agora enganar os veciños, cando el non fixo nada mentres puido:

1. O PSdeG gobernou a Deputación 8 anos e non investiu moito neste vial.

2. Os últimos 4 anos o Sr. Llano era membro deste goberno provincial e nunca demandou o arranxo; pero todos os veciños coñecen o estado da estrada en este período.

Sr. Llano dende CxG Burela apoiamos a súa iniciativa, pero quereremos
publicamente denunciar que temos claro que é unha política de escaparate que non conduce a ningures, solo a un intento do seu lucemento.

Dado que vostede demostra un “importantísimo” interese na seguridade vial demandamos que non reclame tanto e traballe, que arranxe o Camiño do Tallo, xa que este si conleva un risco inminente para os nosos veciños. Tanto no tráfico rodado como no peonil. Podendo os nenos incluso acceder á vía do ferrocarril sen problema. Agora Sr. Llano é vostede o responsable de que non pase nada, aquí non vale que a culpa sexa doutro.