Burela, 18 de agosto de 2015.- “Empezo un novo ano coas ganas que sempre teño neste club e querendo optar por todos os títulos. Estamos en débeda con Vista Alegre; é un ano para resarcirse. Creo que unha vez máis temos cadro para iso, con boas incorporacións” así de ilusionada se mostraba Maite, no seu quinto exercicio na Mariña. O presidente do CD Burela FS Pescados Rubén, Manuel Blanco, e o directivo Alberto Fernández destacaron a “garra e intensidade” da ala cacereña. “É unha xogadora á que xa consideramos da casa que co seu carácter fortalece o equipo” puntualizaba o presidente laranxa.
“Teño moita xente aquí á que quero e que me quere e por iso me apetecía seguir en Burela. Non sei qué será do meu futuro deportivo, pero o que tiña claro é que quería pasar un ano máis aquí co equipo, ademais de acabar os meus estudos de Hostalería” explicaba así Maite o seu apego a Burela, recoñecendo o grande ambiente con que regresou ao traballo o equipo: “Estamos moi animadas e motivadas, vimos coas pilas cargadas do verán. En Burela trabállase moito, sete sesións á semana, cun gran nivel de competitivade entre nós”.
Poio
O equipo de Lucas disputará mañá o seu primeiro envite da pretempada cun rival de liga con aires irmandiños. Será na pista do Poio FS Pescamar, ás 20.00 horas. “Xogar contra Poio sempre é un pracer, é un gran competidor, un equipo moi guerreiro” adiantaba a 17 laranxa, recoñecendo as ganas das mariñás por respirar a emoción dos partidos: “Xa levamos máis de dúas semanas adestrando nas que o grupo está funcionando moi ben, pero tamén xa tiñamos ganas de estrearnos nos amigables para romper coa monotonía dos adestramentos e empezar a poñernos en situación” concluíu Maite.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
