O Goberno de Cervo incrementa un 6% os gastos dos orzamentos deste 2015 sen explicacións claras e concretas, segundo denuncia o PSOE

Cervo, 1 de agosto de 2015.- Durante o pleno ordinario celebrado na tarde deste venres o equipo de goberno do Partido Popular aprobou en solitario un suplemento de crédito de 315.000 euros e unha transferencia de crédito de 35.000 que afectará directamente aos orzamentos previstos para este ano 2015.

O portavoz do Grupo Municipal Socialista de Cervo, Francisco U. Mon, pide que o alcalde, Alfonso Villares, “dé explicacións claras e detalladas de por qué e para qué fin aprobaron este incremento de ata un 6% nos gastos dos presupostos vixentes xa que os argumentos facilitados na tarde de onte foron vagos, xenéricos e non concisos”.
Ante a falta de argumentos do señor Villares, os socialistas recordaron aos membros do goberno que “cando aprobaron os orzamentos vangloriábanse de ter cumplido a Lei e lograr unhas contas equilibradas, prudentes e realistas. Parece que agora non teñen ningunha desas características e máis ben eran unha farsa para todos os veciños de Cervo, menos mal que contan cun remanente froito da súa inactividade total e non da boa xestión da que presumen. Só faltaría que tivesemos que recurrir a unha operación de crédito para sufragar este aumento de gastos”.

Xestión desastrosa e improvisada
Para os membros do GMS, esta maneira de actuar pon de manifesto “a xestión desastrosa que leva adiante o Partido Popular no noso Concello. Só nos quedaba reprobar esta forma “chapuceira” de traballar que responde a unha falta de previsión total e absoluta das necesidades municipais. Parece que se dan conta a estas alturas do ano que unha das partidas prioritarias dos orzamentos debera ser destinada ao fomento de emprego, tal e como demandamos nós no debate presupostario xa que a denotábamos escasa e insuficiente”.

Os socialistas insistiron en que “necesitamos e os veciños teñen dereito a que se nos explique por qué e en qué se gastaron os cartos públicos destinados ás partidas que agora teñen que aumentar. Non lles chega con aprobar un suplemento de gastos se non que aínda por riba fan unha transferencia de crédito de ata 35.000 euros para a partida de gastos diversos, caixón de sastre e cartos que quedarán a libre albedrio para o pago de non se sabe qué nin a quen”.

Tralo voto en contra de ambas maniobras, dende o GMS esperan contar urxentemente con estas explicacións para “non seguir percibindo un cheiro un tanto sospeitoso de que este diñeiro poido ter sido gastado e empregado para pagar prebendas e financiar encubertamente ao PP nas pasadas eleccións municipais”.

Finalizaron destacando que “ésta é a forma que ten o PP de Cervo de traballar, forma retorcida e improvisada de xestionar o Concello e de xogar cos veciños á que nos ten acostumados nos últimos anos”.