Lugo, 09 de setembro de 2015.- A Deputación de Lugo estase a implicar de xeito moi marcado na inserción laboral de persoas con discapacidade e dentro deste colectivo con aquelas que sofren un maior estigma social como son as persoas con enfermidade mental. Así o reflicten os dous convenios de colaboración asinados con FEAFES (Federación de Asociacións de Familiares e Persoas con Enfermidade Mental de Galicia).
No marco destes acordos, nove persoas con enfermidade mental están a realizar prácticas en entes dependentes da Deputación de Lugo, como son SUPLUSA e o Museo Provincial. A deputada de Benestar da Deputación, Mari Teijeiro, acompañada da responsable de FEAFES-Galicia en Lugo, Nuria Fernández, visitou esta mañá aos alumnos para coñecer de primeira man os traballos que están a desenvolver.
Teijeiro resaltou a importancia desta colaboración cunha actividade que ten por obxecto favorecer o acceso da cidadanía ao mercado laboral en igualdade de condicións, coa finalidade de garantir a inclusión social dos colectivos máis desfavorecidos como é o das persoas con enfermidade mental.
Convenios de colaboración
En concreto, a deputada de Benestar lembra que, por unha banda, a presidenta da Deputación firmou un convenio con FEAFES para financiar gastos da actividade denominada ‘Proxecto de acercamento ao mundo laboral para persoas con enfermidade mental’. A maiores e dentro deste convenio, son dous os alumnos que están a facer prácticas no Museo Provincial.
Por outra banda e nesta mesma liña de traballo, a Deputación de Lugo tamén aprobou un acordo de colaboración para a realización de prácticas de persoas deste colectivo na Sociedade Urbanística Provincial de Lugo S.A. (Suplusa). Outros sete alumnos comezaron o luns a desenvolver traballos vinculados coa xardinería, os cales forman parte do colectivo que atende a Asociación Lucense de Enfermos Mentais (ALUME). Polo tanto, en total son nove as persoas beneficiarias dos dous convenios.
Implicación co benestar
Por último, Teijeiro recordou que, dende o primeiro momento, a prioridade do novo goberno é o benestar. Así quedou reflectido nos acordos adoptados nestes dous meses mediante a implicación cos maiores e coas persoas dependentes a través dun maior financiamento para servizos básicos como son a axuda no fogar e a teleasistencia domiciliaria. Asemade, a deputada insistiu en manter o compromiso do novo goberno cos colectivos sociais, e que tivo como primeiro paso o interese desta institución por coñecer as necesidades do terceiro sector na provincia e estudar as diferentes vías de apoio ás entidades.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
