Comunicado do grupo provincial socialista sobre as obras na sede da UNED

1.- Candia é incapaz de completar ningún dos proxectos de futuro do Goberno progresista na Deputación de Lugo. Agora trátase da nova sede da UNED na capital lucense, cuxas características a converterán no centro referencial da Universidade Nacional de Educación a Distancia no noroeste de España. Pero antes foi o 1º Centro de Recría de gando vacún público en España; a rede pública de residencias e centros de día nos Concellos; o Ben Empregado ou o Pacto Provincial polo Emprego, entre outros. Candia pon escusas en todos estes proxectos ante a súa incapacidade, xa non para poñelos en marcha, senón tan só para rematalos. Non foi quen de facer nada durante estes 3 meses. Unha vez máis, Candia demostra que nin ela nin o seu equipo están á altura de gobernar unha institución como a Deputación de Lugo.

2.- Candia estivo na mesa de contratación das obras. O PP pon en dúbida agora o proceso de adxudicación das obras da nova sede da UNED cando a propia Elena Candia participou da mesa de contratación destas actuacións.

3.- A propia UNED redactou o anteproxecto. A Universidade Nacional de Educación a Distancia elaborou o anteproxecto da nova sede da UNED na capital luguesa valorado en preto de 1 millón de euros. Sen embargo, as obrigas legais en termos medioambientais, de hixiene ou accesibilidade que deben cumprir estas instalacións, así como o propio estado no que se atopaban os tres bloques do antigo Hotel Miño, supuxeron o incremento destas actuacións ata superar os 2 millóns de euros. Todo isto non se contemplaba no anteproxecto da Universidade e era imprescindible incluílo para, por unha banda, cumprir coa lei e, por outra, para que estas instalacións tivesen as características solicitada pola UNED.

3.- As obras contan con todos os informe técnicos favorables dos diferentes departamentos provinciais da Deputación de Lugo e axústanse rigorosamente á Lei. Candia pon de manifesto, unha vez máis, a súa total desconfianza na labor dos traballadores do organismo provincial. Candia ten toda a documentación a súa disposición para esclarecer calquera tivo de dúbida ao respecto.

4.- Candia conta con orzamento para rematar este proxecto. Déixese de escusas. Despois de 3 meses nos que non moveu nin un só papel, tal e como queda de manifesto ao corroborar que non avanzou nin un só ápice nas obras de construción da nova sede da UNED dende que é Presidenta, o Grupo Provincial Socialista esíxelle que faga algo e remate estes traballos. Só ten que concluílos, posto que o Goberno progresista xa lle deixou o proxecto, o orzamento necesario e ata débeda cero.