Cervo, 18 de setembro de 2015. O Concello de Cervo solicitará á Deputación de Lugo a construción de beirarrúas na vía provincial que une o conxunto histórico artístico de Sargadelos coa fábrica de cerámica. Así o anunciou o alcalde de Cervo, Alfonso Villares, que tamén lembrou que xa fixo esta reclamación hai máis de catro anos ao anterior goberno da Deputación, sen resultado.
“Dende o Concello de Cervo ímonos dirixir novamente á Deputación Provincial de Lugo, aos seus novos xestores, para que se constrúan unhas beirarrúas dende o conxunto histórico artístico de Sargadelos até onde está situada a actual fábrica de cerámica. É unha actuación que xa reivindicamos hai máis de catro anos e que sería necesaria para garantir a seguridade dos viandantes, dos veciños que viven na zona e tamén de todos aqueles turistas que se achegan ao conxunto histórico artístico de Sargadelos”, explicou o rexedor.
Alfonso Villares engadiu que “esta foi unha petición que fixemos hai máis de catro anos e que non foi contestada polos anteriores dirixentes da Deputación Provincial. Todo o contrario, o que fixeron foi, sen poñerse en contacto co Concello de Cervo, colocar unhas luces onde realmente terían que estar situadas as beirarrúas polas que poderían transitar as persoas que viven en Sargadelos ou que visitan o conxunto histórico artístico. Esa é a actuación que demandamos hai mais de 4 anos e que seguimos reivindicando agora mesmo aos actuais dirixentes Deputación Provincial: que se constrúan unhas beirarrúas e se coloque posteriormente a iluminación necesaria para circular por elas”.
“Na actualidade se se acenderan esas luminarias unicamente iluminarían por onde circulan os coches, pero dende logo nunca se garantiría a seguridade das persoas que transitan por esa estrada e por ese lugar. Polo tanto seguramente a actuación que haxa que facer, e que nós imos reivindicar, vai levar consigo que haxa que desfacer o que fixeron os anteriores xestores da Deputación, que haxa que recolocar unhas luces que puxeron sen avisar nin poñerse en contacto co Concello de Cervo”, advirte o alcalde.
A libraría Bahía acolle este xoves, 5 de xuño ás 20:30h, a presentación de dous libros: 'O villa de Pitanxo' de José Manuel Solla Santos, unha homenaxe aos mariñeiros que faenan nas augas de Terranova e un berro por aclarar a verdade dese terrible naufraxio. E por outra banda, 'A maxia da terra' de Isabel Peleteiro Vazquez, unha ollada ás mulleres que saíron cara América, unha revisión en feminino da emigración de ultramar. Estarán presentes a autora e o autor dos libros.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
