O día 24 de outubro celébrase o Día da Biblioteca. Un día escollido a razón do recordo da destrución e incendio da Biblioteca de Sarajevo, no ano 1992 con motivo do conflito nos Balcáns.
Como todos os días nos que se adica a algunha actividade, o Día da Biblioteca ven a recordar a importancia do libro e a lectura, da información e coñecemento, tanto educativo como de ocio e entretemento no crecemento persoal, así como para dar visibilidade ás bibliotecas públicas e a labor dos bibliotecarios.
Neste senso, e bo celebrar con actividades e actos este día. Actividades que se espallan por todas as bibliotecas galegas aínda que non coincidan co mesmo día por problemas de axenda loxicamente e de acumulación de actos. Pero que tamén se distribuen todos os días do ano.
Dito isto, e tamén un día para reivindicar. Reivindicar a precariedade na que se encontran moitas das nosas bibliotecas municipais. Da falta de orzamentos específicos para o servizo de biblioteca pública nos concellos, da falta de mobiliario e espazos adecuados e renovados, da falta de actualización das instalacións informáticas, da falta de persoal suficiente e cualificado respetando os estándares marcados por número de habitantes aos que da servizo… As bibliotecas públicas municipais depende dos concellos, cuestión farto dificultosa ao toparnos coa autonomía local e todo o que isto leva consigo; sensibilidades dispares sen distinción política, que levan as veces a situacións que raian o surrealismo.
Esta é a realidade coa que os nosos bibliotecarios están a loitar día a día. Facendo non por iso, unha labor que excede con moito e en moitos casos a vocación desta profesión. A cantidade de actividades que se están a facer así o demostran, programacións culturais, o traballo cos colexios, o tratamento da información solicitada…
Os bibliotecarios municipais, están a dar á sociedade un servizo importantísimo na democratización da cultura. A crise veu aparellada a un incremento de usuarios, aumentos dos préstamos como reflicten as enquisas, pero non veu aparellada cunha mellora nas condicións laborais dos bibliotecarios que dan os servizos.
É hora de dignificar a nosa profesión, ningún servizo municipal atende día a día o número de usuarios que ten a biblioteca municipal, sen embargo esta actividade non se corresponde co trato que a maioría dos concellos dan a este servizo.
Por iso celebremos o Día da Biblioteca este 24 de outubro, pero tamén reivindiquemos, por parte tamén da cidadanía, bibliotecas con orzamentos dignos e persoal profesional para adecuarnos aos cambios no concepto da propia biblioteca pública. Traballamos cara unha biblioteca de integración cidadá, de hibridación na convivencia de formatos, de novas tecnoloxías no acceso e difusión da información, un futuro das biblioteca públicas municipais, apaixonante e cheo de posibilidades para todos os cidadáns.
Foz, 23 de outubro de 2015.
Mª Jesús Alvarez Sánchez
Presidenta da Asociación Profesional de Bibliotecarios Municipais de Galicia
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
