Foz, 06 de novembro de 2015. O pasado martes foi o Pleno ordinario da Corporación Municipal no Concello de Foz.
Tratáronse temas tan importantes como a ubicación da nova EDAR no Camiño da Granda no Barrio de Forxán, Parroquia de San Martiño. Esta proposta de alcaldía, que ocupaba o punto terceiro dunha intensa orde do día, foi a que se apoderou da meirande parte do Pleno, xunto coas propostas do Catastro.
O BNG foi fiel ás súas ideas e ás recomendacións dos técnicos de Augas de Galicia. Recomendacións que dende fai tempo indican (agora, indicaban) que a mellor zona de instalación dunha depuradora en Foz sería no solo do Polígono Industrial. Tanto Lorena Seivane coma Teresa Rego sempre mantiveron que elas, nin ningún outro concelleiro da Corporación Municipal, debería ser quen de decidir cal é a mellor ubicación desta nova EDAR, senon que serían os técnicos, tanto de Augas de Galicia como de medio ambiente, os que recomendaran con informes técnicos a ou as posibles alternativas á actual depuradora.
Aínda así, cos votos favorables do Partido Popular e de FPF e en contra do PSOE e do BNG esta proposta saíu a diante. Seivane recorda que “Castiñeira comprometeuse a crear unha comisión específica de seguimento deste proxecto, espero que se recollera en acta e se leve adiante. Nós as dúas estaremos vixiantes neste tema”.
A revisión e a regularización catastral son os temas que ocupan case a outra metade do Pleno. Foron defendidas as rebaixas e o asesoramento á veciñanza tanto polo PSOE como polo BNG. Segundo Seivane “non me podo explicar como dúas mocións moi parecidas teñen distintos resultados”, xa que saíu adiante a presentada polo PSOE, pero non a do BNG. “No Pleno xa expliquei que cremos que a nosa moción é máis clara, máis concisa e máis sensata e recordei que o Concello vive das recadacións”, di Lorena, afirmando que baixar excesivamente o tipo de gravame sería contraproducente para os orzamentos e, polo tanto, para o normal desenvolvemento do Concello.
O undécimo punto ocupábao a moción do Bloque na que instaba ao Concello a elaborar e aprobar unha ordenanza fiscal reguladora da taxa por instalación de caixeiros automáticos nas fachadas dos inmobles con acceso directo desde a vía pública e que na mesma se fixe unha cota de 2500 € anuais por cada caixeiro instalado. Foi aprobada por unanimidade.
No tempo dos rogos o BNG solicita que se corrixan os novos indicadores, de xeito que se respecte o uso do galego e, tamén, para evitar o absurdo de que uns sinais estean en castelán (puerto) e outros en galego (praias). Sen resposta. Que se respecten os prazos de entrega de documentación ao abeiro do Real Decreto 2568/86 do 28 de novembro polo que se aproba o Regulamento de Organización e Funcionamento nas entidades locais.Resposta: Intentarase. E que se repoña o espello de tráfico no cruce das rúas Gorbachov coa baixada da Avenida dos Irmandiños. Resposta: Xa o sabíamos, en canto se poida farase.
Para finalizar este Pleno o BNG fai estas tres preguntas:
– Cando se vai reparar a porta de acceso aos locais das Asociacións na praza de Trégastel?
Resposta: Xa está o cristal encargado.
– Cando vai estar a disposición dos concelleir@s o borrador do PXOM para o seu estudo e posterior aprobación?
Resposta: Como moito nunha semana.
– Qué se sabe da nova residencia e centro de día?
Resposta: A obra tivo uns cantos reparos, que se están solucionando. Despois dotarase e, como máximo, estará en funcionamento no mes de marzo.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
