A Mariña, 6 de novembro de 2015. A Autoridade Portuaria Ferrol San Cibrao que xestiona os portos de Ferrol e San Cibrao – este último cedido en concesión a ALCOA ate 2022 – rouba co silencio e o consentimento cómplice dos alcaldes de Cervo e Xove, representantes por quendas no ente portuario estatal, a práctica totalidade dos beneficios por taxas portuarias e de actividade comercial no porto de San Cibrao. Estes dous alcaldes acoden en representación da comarca ás reunións deste organismo, son coñecedores das contas anuais da entidade, dos seus investimentos na comarca, e cobran dietas que parecen ser suficientes para pagar o seu silencio no organismo ante o roubo continuado dos investimentos que se deberan realizar na costa de Lugo polos beneficios que xera o movemento de mercadorías no peirao lugués.
VILLARES E SALGUEIRO VAN ÁS REUNIÓNS AUTORIDADE PORTUARIA UNICAMENTE POR COBRAR AS DIETAS
A responsábel comarcal nacionalista, Ana Ermida Igrexas acusou a Villares e Salgueiro de “ser o dúo de caladiños que mellor defende os intereses doutros territorios cando deberan estar defendendo o propio”, “nunca se escoitou a Villares ou Salgueiro abrir a boca para denunciar o saqueo aos intereses da comarca que ven executando a entidade portuaria da que fan parte cando vemos como ano tras ano as cifras de investimento na Mariña non se corresponde co nivel de recadación”, afirmou Ana Ermida. A portavoz nacionalista “retou a estes dous representantes da comarca no ente portuario a informar con detalle dos investimentos realizados na comarca pola autoridade portuaria.”
Os datos que publica a Autoridade Portuaria Ferrol – San Cibrao na súa web sobre as contas anuais desde o ano 2012 a 2014(únicos datos publicados) reflicten que este organismo estatal recadou por taxas e outros conceptos no peirao de Morás 9.94 millóns de euros dos que a Mariña so recibiu no mesmo período 345.000 euros nos anos 2013 e 2014, tal como consta nos orzamentos do Estado, nos anos 2012 e 2015 non consta ningunha partida destinada a Lugo e no 2016 existe unha previsión de gasto de 40.000 euros.
A APERTURA DO DIQUE NORTE DE MORÁS AO TRÁFICO COMERCIAL É UNHA ASIGNATURA PENDENTE QUE NIN PSOE NIN PP CUMPRIRON ATE AGORA
A portavoz nacionalista volveu lanzar ao debate público a necesidade afrontar a liberación do dique norte de Moras ao tráfico comercial a sete anos do fin da concesión outorgada a Alcoa para o uso exclusivo das instalación portuarias; non parece de recibo que unha parte deste peirao siga sen ningún uso cando existe un estudo de Portos de Galiza en 2010 que garante a viabilidade do dique norte cun investimento de 30 millóns de euros con capacidade para buques con mais de 200 mts de eslora, mais de 11 de calado, accesos rodados e por ferrocarril e compatíbel co uso que neste momento dá a multinacional alumineira ao dique sur.
Ana Ermida lembrou que tanto PSOE como PP por quendas no goberno do Estado, “foron incapaces de afrontar unha infraestrutura estratéxica para o futuro da comarca, mentres están na oposición reclaman e cando soben ao goberno calan ou paralizan as múltiples iniciativas do BNG, a última no 2014 reclamando “abrir negociacións coa multinacional ALCOA para abrir o dique norte do peirao de San Cibrao, que leva anos en desuso, posto que multinacional so usa o dique sur”, votada en contra polo PP E emendada polo PSOE para eludir votala a favor.”
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
