Acendido o Nadal en Ribadeo

Acisa Ribadeo colocou unha árbore de Nadal na praza de San Roque e, nas últimas horas deste domingo, procedía ó seu acendido. Moitos foron os que se achegaron ás inmediacións para facerse unha foto ó lado ou da árbore únicamente. Esta é unha das iniciativas que Acisa levará a cabo nas vindeiras semanas para dinamizar o comercio local na temporada máis forte do ano. Dentro duns días comezarán tamén a sonar as panxoliñas nas rúas de Ribadeo, costeadas pola Asociación de Comerciantes, Industriales, Servicios e Autónomos da localidade.