Non haberá servizo de recollida do lixo en Ribadeo nas madrugadas do 25 de decembro e o 1 de xaneiro

Ribadeo, 22 de decembro de 2015. A Concellaría de Limpeza Viaria informa aos veciños de que nas madrugadas dos días 25 de decembro e 1 de xaneiro non haberá servizo de recollida de lixo, ao igual que outros anos.

Jorge Díaz Freije sinala que “como ven sendo habitual nestas datas na madrugada do 24 ao 25 de decembro e do 31 de decembro ao 1 de xaneiro non haberá servizo de recollida de lixo en Ribadeo”.

O edil nacionalista pide aos veciños que “saquen o lixo o máis tarde posible para evitar que estea tanto tempo nos contedores e limitar os cheiros e o impacto visual nestas datas”.