“Os nosos resultados son satisfactorios, nun contexto político inédito”, afirma o PP burelés

Burela, a 21 de decembro de 2015.- “Tendo en conta que a situación política que estamos a vivir é inédita tanto a nivel nacional coma a nivel municipal, e tendo en conta eleccións precedentes, os resultados que acadamos o domingo son satisfactorios”, afirman desde o PP burelés como primeira valoración das eleccións xeráis.

Os populares consideran que “o PP local partía duns datos complexos e contradictorios: o tope que acadamos nas xeráis de 2011, e os malos resultados das municipáis do presente ano. E en base a estas premisas debe facerse a análise dos resultados do domingo, que consideramos bós, satisfactorios, ainda que sen fogos de artificio”.
O seu presidente quixo “agradecer profundamente a confianza posta en nós polos votantes; ainda que non quero esquecerme do traballo dos interventores, apoderados, afiliados e simpatizantes que participaron activamente na campaña, e por suposto do traballo feito pola nosa compañeira Mary Fraga, que formaba parte da candidatura ó Senado”.

Para o presidente local dos populares e actual portavoz municipal, José María González Barcia, “volvemos a ser a primeira forza política, algo que o PP foi sempre neste concello desde 1991, agás nas últimas municipáis. E volvemos a selo cunha porcentaxe, o 37’55% (1.860 votos), que sen dúbida non é a millor que temos tido, pero que nos permite sacarlle 13 puntos á segunda forza política, En Marea (1.225 votos), e sacarlle 17’2 puntos ó PSOE (1.010 votos), que agora é a terceira forza política”.

Segundo o presidente local dos populares, “está claro que o PP tén unha base mui sólida de votos no noso concello, e sen dúbida a maior implantación que poida ter calquera outro partido. Se ben é certo que perdemos moitos votos con respecto ás xeráis de hai catro anos, non é menos certo que recuperamos cincocentos con respecto ás municipáis. O noso obxectivo tén que ser consolidar o que agora estamos recuperando, con traballo interno e externo”.

O portavoz municipal engadeu que “a nosa porcentaxe de votos é semellante á de concellos urbanos na nosa provincia, e mui parella á media galega, anque inferior á media provincial”.

González Barcia indicou que “o resultado do PSOE debería inquietar ós socialistas: gobernan o concello, e non puideron, non souberon, ou as dúas cousas, rentabilizar ese goberno; e eso que xa levan medio ano teóricamente tomando decisións. Ainda que semella que a política de palmadita no hombro e cañita non chega para manter resultados, cando falta xestión. E eso que están subidos na nube, pensando que a lexislatura vai ser eterna”.
O portavoz popular considera que “En Marea agora mesmo é unha realidade, pero descoñecemos cales son as súas propostas a nivel municipal, e tamén os propoñentes. Cando eso aconteza, veremos o qué pasa”.

Para Barcia, “o resultado de Ciudadanos (8’9% e 442 votos) non nos sorprende, xa que a súa implantación é escasa en Burela; tanto é así, que o pretendido candidato municipal, indo nas listas ó Senado, non foi capaz de ser o primeiro máis votado do seu partido no noso concello. No que se refire ó BNG (227 votos, 4’58%), semellan non estar no seu millor momento, e todo apunta a que resultados que tiveron non hai moito foron máis froito das circunstancias que de acertos do propio BNG”.

O portavoz do PP no concello manifestou que “as bases do partido no noso concello salen reforzadas cos resultados de ontes, o que vai traer consigo que desde o propio partido, e fundamentalmente desde o grupo municipal, intensifiquemos a nosa liña de traballo como oposición municipal, traballando con humildade pero con firmeza, redefinindo esa liña de traballo ó longo do vindeiro ano, tamén a nivel interno do propio partido”.