O voceiro provincial socialista, Álvaro Santos Ramos, informou este venres que a Deputación acaba de pór en marcha a Central de Reservas para adquirir as entradas de xeito anticipado das Rutas Fluviais,que comezarán a funcionar a vindeira semana.Os interesados en adquirir os tíckets xa o poden facer na web www.reservas.rutasembalses.es. Máis información no teléfono 982260196 ou no correo catamaranes.turismo@deputacionlugo.org.
“O venres, 18 de marzo, terá lugar en Doade o acto de inauguración de dúas das Rutas Fluviais, que son as que primeiro poñemos en marcha. Nel participarán profesionais do sector, tanto de Lugo como de Ourense, ademais de autoridades. A partir do sábado, 19 de febreiro, as rutas fluviais estarán xa a funcionar, coincidindo, ademais, coa celebración da Semana Santa”.
O voceiro explicou que as rutas dispoñibles son: a do Canón do Sil, cuxo percorrido é Doade-Mosteiro de Santa Cristinta-Doade, no Concello de Sober; e a do Cabo do Mundo, que vai dende Belesar-Área Recreativa de Maiorga e volta a Belesar Pobo, en Chantada.
Xunto á creación da central de reservas, nas dependencias do Clube Náutico de Doade, a Deputación habilitará unha oficina para a venda de billetes e para información turística de toda a provincia en xeral, e da Ribeira Sacra en particular.
Do mesmo xeito, tendo en conta a elevada afluencia de visitantes que acolleron as rutas fluviais no 2015, con preto de 50.000 persoas; o organismo provincial vai a incrementar o número de profesionais de atención turística e de seguridade nos embarcadoiros.
Horarios
En tempada de inverno, que se establece dende outubro ata finais de maio, as rutas estarán operativas de mércores a domingo no Canón do Sil e as fins de semana na Ruta do Cabo do Mundo, ás 11.30 e ás 16.00 horas. Igualmente, as dúas rutas estarán operativas durante a ponte das Letras Galegas, a Ponte do Pilar e o da Constitución.
En tempada de verán, que comezará o 1 de xuño e rematará o 30 de setembro, incorporará tamén á oferta a Ruta da Reserva da Biosfera “Terras do Miño, dende o embarcadoiro dos Robles, na cidade de Lugo, que funcionará todos os días ás 12.00, 13.00, 17.00, 18.00 e 19.00 horas. As outras dúas rutas, que serán tamén diarias, funcionarán ás 11.30, 16.30 e 19.00 horas.
Máis emprego
A Xunta de Goberno aprobou a contratación 12 desempregados lucenses, que agora están a traballar en 11 entidades da provincia grazas ao Ben Empregados da Deputación. Os postos de traballo que ocupan son: un axente de turismo para unha axencia de viaxes en Sarria; un esteticista na capital lucense; varios peóns gandeiros en explotacións de Guntín, Sarria, A Pontenova e O Saviñao; un axudante de perruquería en Mondoñedo; un Peón Forestal en Navia de Suarna; un arquitecto en prácticas en Ribadeo; 2 traballadores sociais en Lugo; e un técnico informático tamén para a cidade luguesa.
A xunta resolveu, ademais, unha nova entidade beneficiaria do Ben Empregado. Trátase da Federación de Asociacións do Ámbito Social en Lugo, que busca un Dinamizador Comunitario.
O teu esforzo ten premio en Lugo
Na sesión tamén se resolveu a concesión de 16 bolsas para custear integramente a matrícula no Campus de Lugo a outros tanto mellores expedientes de BAC, FP e Grao. Estas becas enmárcanse no plan “O teu esforzo ten premio en Lugo”, que puxemos en marcha ao abeiro do Plan de Impulso do Campus de Lugo que temos coa USC.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
