O Concello de Foz celebraba este xoves 10 de marzo un pleno extraordinario para a aprobación provisional do PXOM.
“Foz, Plataforma de Futuro” pensando no futuro de Foz e antepoñendo os intereses do noso Concello ós intereses partidistas votamos a favor da aprobación provisional do PXOM, documento fundamental para garantir un crecemento sostible e ordenado do noso Concello.
Este voto a favor significa a aprobación provisional deste plan Xeral de ordenación municipal, significa que será o momento en que todos aqueles veciños e veciñas que tiñan presentada algunha alegación, coñezan a resposta a dita alegación e deixen de ter dúbidas de como queda o PXOM. Así mesmo este documento agora seguirá o seu curso e chegará a Xunta de Galicia que será a que teña a última palabra e decidirá si está ben ó cen por cen ou recomenda facer algunha modificación para axustalo, e de ser así, terá que volver a pasar polo Pleno da corporación municipal.
“Foz, Plataforma de Futuro” decide votar a favor deste Plan por moitos motivos e algún deles os debullamos a continuación:
– É un documento que se leva elaborando durante mais ou menos dez anos.
– Durante este tempo sufriu tres exposicións públicas, coas súas respectivas alegacións.
– Durante este tempo ademais sufriu a entrada de novas leis que fixeron que houbera que adaptar este Plan a ditas leis, xa que son superiores ó Plan, polo tanto facían xa de regulación.
– É un documento no que traballaron distintos gobernos, distintos equipos de goberno e numerosos Concelleiros que fomos pasando pola Corporación Municipal durante estes anos, ós cales dende FPF nos queremos acordar de todos eles xa que este tamén é o seu Plan.
– Este documento é un documento no que traballaron numerosos veciños, constituídos como grupo de traballo ou como asociacións de veciños, ós cales dende FPF queremos dar as grazas polo enorme traballo que fixeron nas numerosas reunións que tiveron eles solos ou cos redactores deste Plan.
– Queremos recordar as palabras dun veciño,( veciño o cal non lle vota ó PP, polo tanto non é sospeitoso de dicir estas palabras por intereses políticos)este veciño traballou neste PXOM dentro dun dos grupos de traballo,e na primeira reunión que tivemos esta corporación Municipal para falar deste Plan, lle dicía ó noso portavoz “ Sixto, este Plan é o que se ten que aprobar, non hai volta de folla, esta moi traballado, e non hai moita mais marxe de mellora, e ven aí unha nova lei do solo e vainos tirar todo polo chan”.
– Os distintos grupos políticos da Corporación Municipal tivemos a posibilidade de traballar neste documento, e concretamente FPF tivemos a posibilidade, como así fixemos, de traballar e mellorar este documento. Mantivemos numerosas reunións cos técnicos municipais ós que damos publicamente as grazas pola súa colaboración e asesoramento, numerosas reunións por separado e co resto de grupos da corporación cos redactores deste Plan, traballamos nas alegacións unha por unha e intentamos que se resolveran favorables todas aquelas que considerábamos que así o eran, conseguíndoo que se nos incluíran mais do 80 %.
– Este non é un documento pechado, xa que todo Plan pode ser mellorado novamente polo Pleno da Corporación Municipal.
– Non queda ningunha vivenda fora de ordenación porque foi nun dos puntos nos que mais se traballou, ademais de incluír este Plan un documento no que queda moi claro o que é un fora de ordenación.
– A maiores a Asemblea de “Foz, Plataforma de Futuro” celebrada o pasado luns día 7 de Marzo por maioría dos alí presentes decidía votar a favor de apoiar dito plan.
Polo tanto dende FPF decidimos valientemente dar o noso voto favorable a dito Plan. Queremos legalizar aquilo que ata esta aprobación non estaba legal, e ordenar o futuro do noso Concello durante os vindeiros anos, e con isto impedir que o noso Foz se siga degradando por culpa do urbanismo.Estamos moi satisfeitos de poder estar nesta corporación municipal nun momento histórico para o noso Concello e poder aportar o noso gran de area a este Plan que consideramos de todos.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
