Santiago, 11 de marzo de 2016.- A conselleira do Mar, Rosa Quintana, explicou este venres no Forum Europa-Tribuna Galicia as liñas de aposta do seu departamento para a Galicia mariñeira. Neste sentido, sinalou que a pesca de baixura e o marisqueo son eidos clave “nos que está unha boa parte do noso futuro mariñeiro” e que neses eidos a Consellería do Mar centra o Plan de Acción da Pesca Costeira Artesanal de Galicia que porá en marcha este ano ao abeiro do Fondo Europeo Marítimo e da Pesca (FEMP) 2014-2020.
Este plan ten cinco medidas fundamentais que inclúen os eidos social, económico e ambiental. A primeira delas é un plan de emprego e formación para fomentar a incorporación de mozos e mozas ao eido pesqueiro e marisqueiro que conta cun apoio de 6,3 millóns de euros e que prevé beneficiar a uns 75 mozos e mozas cada anualidade. Un plan, destacou a conselleira, que “xere remuneración pola formación a bordo de embarcacións de pesca de baixura.” Así, busca fomentar o emprego xuvenil no sector pesqueiro combinando a actividade laboral con formación. Esta medida xestionarase a través da Consellería de Economía, Emprego e Industria xunto coa Consellería do Mar como organismo intermedio de xestión.
A segunda das medidas deste plan, explicou a titular de Mar, consiste en priorizar a frota costeira artesanal nos procesos de concorrencia competitiva das axudas do Fondo Europeo Marítimo e da Pesca (FEMP). Farase establecendo unha puntuación específica e diferencial para ese segmento de frota e priorizándoa en caso de empate. Isto permitirá á frota de baixura “ter un acceso preferencial aos 158 millóns de euros do Eixe do Fomento da Pesca Responsable, ou o que é o mesmo, ao 35% dos fondos dispoñibles para todos os sectores produtivos marítimos”, puntualizou Rosa Quintana.
A terceira das medidas do plan ten que ver co eido medioambiental e consiste na reactivación e promoción das instalacións de produción de semente de bivalvos, xerando suficientes unidades de ameixa fundamentalmente. O obxectivo que persegue, subliñou a conselleira, é “atender as demandas do noso sector, facéndoo da man das propias confrarías e das súas federacións e conseguindo fondos procedentes do eixe da acuicultura do FEMP”.
No ámbito económico e como cuarta medida, o Plan da Pesca Costeira Artesanal propón á súa vez plans de mellora da comercialización dos produtos do marisqueo atendendo a recursos como o ourizo, o percebe ou a navalla para que sexan “outra fonte engadida de ingresos para a nosa xente do mar”. Tamén busca como quinta medida, engadiu Rosa Quintana, avanzar na identificación e distinción dos nosos produtos dando un impulso ás marcas de calidade como pescadeRías e ás denominacións de orixe. Estas medidas financiaranse a través do eixe de mellora da comercialización do FEMP, que permitirá aproveitar unha parte importante dos 95 millóns de euros destinados a revalorizar os nosos produtos nos mercados.
O resto das medidas que contempla o plan, engadiu a titular de Mar, buscan a mellora da nosa estrutura de frota con accións de avance na eficiencia enerxética, na habitabilidade e seguridade a bordo e na conservación das capturas.
Outros ámbitos
Ademais das accións dirixidas á pesca de baixura e ao marisqueo, a conselleira destacou a intención da Xunta de “soster a ilusión polo mar en todos os eidos”. Así, no eido da pesca litoral e de altura, “o noso principal cabalo de batalla” é o de dispor de maiores cotas. Por iso, para acadar esta premisa, dixo, a Xunta seguirá compartindo co Goberno do Estado e doutras comunidades autónomas “os mellores argumentos” para defendelos en Bruxelas como viñemos facendo ata o de agora. Isto permitiu incrementar dende o ano 2009 nun 14% as cotas das especies que capturan os barcos de baixura ou nun 56% as cotas para as embarcacións do cerco.
No eido da acuicultura, en relación ao borrador de lei anulado, reiterou o compromiso da Xunta e lembrou que non se realizará ningún labor que poida prexudicar ao sector. “Non queremos nin podemos gobernar de costas ao sector e sen contar coa súa comprensión”, subliñou a conselleira.
En canto á industria transformadora e comercializadora apelou a seguir coa aposta pola libre competencia nos mercados en igualdade de condicións. “Tampouco nos rendemos na batalla contra a pesca ilegal, onde estaremos sempre do lado dos que legalmente traballan”, advertiu.
No ámbito portuario destacou a importancia de aproveitar os portos como verdadeiros polos de desenvolvemento, loxísticos e produtivos, “facendo da coordinación das estratexias entre autoridades portuarias unha clave para captar e afianzar tráficos e actividades”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
