Ribadeo, 11 de marzo de 2016. A nova xunta directiva de Acisa, que rexerá o seu futuro durante os dous próximos anos, era problamada ese venres. Nunha asemblea celebrada na antiga Casa Sindical foron presentados todos os seus membros. David Martínez é o novo presidente de Acisa; Juan Antonio Fernández Andina é o vicepresidente; Susana Tamargo, a secretaria; e Manuela Torviso, a tesoureira. Como vogais acompáñanlles Manuel Vázquez, Eladio Veleiro, Ramón Leivas, Rocío Martínez, José Antonio Lombardero, Pablo Rodil e Iago Etxebarria. Tamén se uniron como vogais Emma Álvarez, Ramón Loredo e Rocío Pertejo.
A candidatura encabeza por David Martínez foi a única que se presentou ao proceso electoral aberto durante as últimas semanas.
O novo presidente de Acisa, David Martínez, sinalou que “hoxe recollemos a testemuña da antiga directiva, das que varios de nós xa formamos parte, e acompáñannos caras novas. Todos os sectores da asociación están representados nesta directiva. Tentaremos seguir a mesma liña de traballo dos nosos antecesores, mantendo aquelas campañas e actividades que funcionan ben, e realizando outras que resulten novas tanto para asociados como para clientes”. Martínez destacou que “serán as opinións dos nosos socios as que rexan o traballo que levemos a cabo ao longo dos próximos meses. Acabamos de realizar unha enquisa entre todos e de aí sacaremos conclusións importantes”.
David Martínez tivo palabras de agradecemento para Francisco Iriarte e Roberto Rivas “polo intenso traballo que realizaron na asociación ao longo dos últimos anos”.
Pola súa banda o xa ex presidente da Asociación de Comerciantes, Industriais, Servizos e Autónomos, Francisco Iriarte, deséxalle moita sorte á nova directiva nesta etapa que agora se inicia e agradece “o traballo realizado por todos aqueles e aquelas que me acompañaron no meu dobre paso por Acisa, así como a resposta de todos os asociados ás iniciativas que lles expomos”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
