O Burela FS Pescados Rubén B visitará este sábado, en derbi mariñán, a pista o impoñente Superti A Pontenova (19.00 horas), coas boas sensacións da recente vitoria en Vista Alegre noutro derbi, pero provincial, o da semana pasada fronte ao Prone Lugo FS (5-2).
“Nas últimas xornadas xa estabamos ben, pero ao final o que xulga son os puntos, así que nos veu moi ben animicamente; os rapaces merecíano” explicaba o técnico laranxa, Juanma Marrube, incidindo na boa actitude dos novísimos xogadores burelistas, con participación habitual de xuvenís. “Dende o principio saímos a exponer e marcar gol. Esta vitoria é o froito da insistencia dos rapaces por crer e confiar no seu propio traballo” loaba así o adestrador o seu equipo, “moi satisfeito coa tempada, pensando só na formación dos xogadores, sen mirar a táboa nin cara arriba nin cara abaixo”.
A próxima cita, na Pontenova, preséntase como un gran reto, fronte ao segundo clasificado. “Será un partido bonito, imos con moitas ganas porque xa foi así na primeira volta. É un equipo de excelente percorrido, cun gran traballo de Julio Delgado e con Santi como un dos xogadores máis determinantes”, valoraba Juanma.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
