CON PÓLVORA E MAGNOLIAS. “O me das los 300.000 € o te hundo el negocio”; esa foi a literalidade exacta das verbas pronunciadas por Luís Pineda, presidente da asociación de consumidores Ausbanc ao primeiro executivo da firma CreditServices, Javier López, a cambio de publicidade, de modificar as referencias sobre esa marca nas distintas canles de comunicación do primeiro; e é que dende que Guttemberg inventou a imprenta esta é de quen a paga.
Xusticieros axustizados, do mesmo xeito que Miguel Bernard, o delfín de Blas Piñar, secretario xeral e líder de Manos Limpias, ambos en prisión provisional sen fianza na cárcere de Soto del Real.
Esa actitude desafiante, xusticeira, que recorda a aquela escena de Sen Perdón na que Clint Eastwood entra na cantina preguntando: ¿Quén é o dono desta pocilga?; din que polos clásicos non pasa o tempo, e algo de certo debe haber en tal afirmación, porque a sobrecarga de testosterona e o sentido da pregunta segue tan vixente hoxe coma no galardoado western. Paradoxo dunha sociedade que incapaz de atopar referentes éticos no seu conxunto tende a individualizalos.
De entre as múltiples reaccións á nova rescato a do xornalista Fernando Garea que twitteaba: “Lo tremendo es que sin Ausbanc no se hubieran anulado las cláusulas suelo y sin Manos Limpas la infanta no estaría en el banquillo”; recollo o aseveramento porque penso que se volven a simplificar cuestións complexas: a anulación das cláusulas solo tivo por lei motiv a aplicación da lexislación europea trasposta en materia de consumo e o procesamento de Cristina Federica de Borbón ten moito que ver co fastío cidadán e coa descomposición da institución á que representa, non sei en que medida isto é imputable a Ausbanc ou a Manos Limpias; ambas son cooperadoras necesarias en todos estos procesos, dos que tamén participan os cidadáns que como suxeitos activos que deciden demandar ou mobilizarse masivamente, a xudicatura que exerce o seu cometido de xeito independente, as institucións xudiciais europeas que marcan a pauta, a función pública do sistema de xustiza que desenrola o seu traballo a pesar da falta de medios…
Existe unha forma teoricamente sinxela de abordar a cuestión: a vontade soberana tamén é de quen pode pagala, os políticos deixaron de obedecer a dita pulsión para obedecer ás elites e para mudar en burócratas de partido, os sindicatos afastáronse da loita obreira para arrimarse aos partidos e, coma calquera outra forma organizativa, as asociacións pasaron a ser estruturas xerarquizadas de negocio. A única solución posible pasa pola asunción social de responsabilidades colectivas, porque un mesmo non pode ser xuíz e parte, porque senón aparecen os pistoleiros, porque só pobo salva pobo.
Pablo Álvarez Ramos
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
