Lugo, 18 de abril de 2016.- A concelleira da Corporación de Quiroga Rosa Arza presentou este luns a súa candidatura á presidencia de Novas Xeracións, cuxo VIII Congreso Extraordinario Provincial terá lugar o vindeiro día 14 de maio en Monforte de Lemos. Arza compareceu acompañada do lucense Pablo Flórez e do focense Roberto Fernández, membros os tres de Novas Xeracións, que ocuparán os postos de vicepresidente e secretario xeral, de resultar elixida a súa proposta.
Rosa Arza explica que da este paso tras ter falado cos militantes e simpatizantes dos 67 municipios que conforman a provincia. “É unha decisión meditada, sendo consciente do compromiso que esta labor require, pero con moitas ganas e ilusión”.
A concelleira agradeceu o apoio que ten recibido da militancia e asegurou que non da o paso soa senón rodeada dun equipo encabezado ademais por Pablo Flórez e Roberto Fernández, “persoas comprometidas con esta organización e que así o levan demostrado durante anos, unha combinación perfecta de xuventude e experiencia”, engade.
A candidata indicou que o resto do equipo irase dando a coñecer nos vindeiros días, aínda que avanzou que xa está perfilado e responderá a un equipo “forte e cohesionado, con representación de todas as comarcas da provincia, tanto rurais como urbanas”.
Entre os obxectivos que guiarán o traballo de NNXX na provincia de Lugo, Arza citou a renovación e revitalización da organización. “Seguir facendo provincia para estar no mellor punto de partido de cara ás próximas eleccións autonómicas”.
Perfiles
Rosa Arza (Quiroga, 1987). É xestora administrativa, militante do Partido Popular e de Novas Xeracións dende hai 10 anos e concelleira de Xuventude e Turismo no Concello de Quiroga dende o 2011. É tamén membro da Executiva Provincial do Partido Popular de Lugo e vicepresidenta Rexional de Novas Xeracións de Galicia.
Pablo Flórez (Lugo, 1988). É estudante de Relacións Laborais e Recursos Humanos. Ten traballado na Rede Galega de Dinamización Xuvenil da Dirección Xeral de Xuventude e Voluntariado. Entre 2011 e 2013 realizou un proxecto de voluntariado europeo en Vilna (Lituania) traballando para Caritas Europa nun centro para persoas sen fogar. Afiliado a Novas Xeracións desde o ano 2006; na anterior etapa foi membro do Comité de Dirección como Vicesecretario de Novas Tecnoloxías. É tamén membro do Comité Executivo provincial do Partido Popular.
Roberto Fernández (Foz, 1988). Licenciado en Ciencias Políticas e da Administración; Máster en Xestión Pública. Traballa como asesor no Grupo Provincial Popular na Deputación de Lugo. Afiliado a NNXX desde o ano 2009. É tamén presidente de NNXX de Foz desde 2010. Nesta en última etapa, desde 2013, foi Coordinador de Pesca e Asuntos Marítimos e Coordinador da Comarca de A Mariña.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
