Lugo, 21 de abril de 2016.- A delegada territorial da Xunta, Raquel Arias, e o director xeral de Inclusión Social, Arturo Parrado, entregaron este xoves os diplomas dunha vintena de cursos desenvolvidos ao abeiro dos plans de inclusión social financiados pola Xunta.
Estes cursos enmárcanse nun programa de apoio a entidades de iniciativa social que distribuíu na provincia de Lugo un investimento de máis de 400.000 euros entre 15 organismos e serviu para organizar 45 accións orientadas a promover a igualdade de oportunidades e a participación activa e mellorar as posibilidades de acceso ao mercado laboral.
Entre as entidades beneficiarias figuran a Asociación para o desenvolvemento sociocultural, formación y empleo (Asfem), a Asociación de familias e mulleres do medio rural (Afammer), a Asociación de promoción e integración xitana de Lugo, Aliad Ultreia, Cáritas, Cruz Vermella ou Alume, entre outras.
Raquel Arias e Arturo Parrado entregaron hoxe os diplomas de 20 cursos desenvolvidos por Asfem e Afammer, nos que participaron 220 persoas. Na súa representación, reuníronse hoxe no salón de actos do Edificio Administrativo da Xunta máis de medio centenar de participantes para recoller os seus diplomas. Ao acto asistiron tamén a presidenta de Asfem, Elena Villanueva, e a de Afammer, Milagrosa Rodríguez.
Boa parte da oferta formativa de ambas asociacións estivo orientada a mellorar a capacitación de persoas desempregadas para favorecer a súa integración laboral. Así mesmo, impartiron cursos especificamente dirixidos á poboación inmigrante, como o de formación lingüística básica en galego e castelán ou o de asesoramento xurídico en estranxería.
A delegada territorial subliñou que a Xunta desenvolve políticas transversais e coordina numerosos recursos no ámbito social “tendentes, todos eles, a facilitar a igualdade de oportunidades de todos os veciños e veciñas que viven en Galicia, calquera que sexa o lugar de procedencia ou de residencia”.
Ao respecto, engadiu, a Xunta xestiona directamente numerosos recursos de atención social, ao tempo que colabora coas administracións locais e con colectivos que desenvolven o seu labor neste ámbito “achegando medios e financiamento, para servir con eficacia en todo o territorio a todos os cidadáns que o necesiten”.
Na mesma liña, explicou que entidades como Asfem e Afammer, “que traballan directa e continuadamente coas persoas e familias afectadas, coñecen de primeira man as súas características e posibilidades, e polo tanto, teñen maior capacidade para dar resposta precisa ás súas necesidades”.
“A complementariedade entre os axentes públicos, o movemento asociativo e outras entidades do ámbito dos servizos sociais -apuntou Arias- incrementa a calidade das prestacións, sendo a mellor ferramenta para promover a inclusión social e laboral e loitar contra calquera forma de discriminación”.
Pola súa parte, o director xeral de Inclusión Social fixo fincapé no destacado papel que xoga a formación no momento de acceder ao mercado de traballo, subliñando que “da inserción laboral depende directamente a inserción real das persoas pertencentes a grupos desfavorecidos” e trasladou ás diferentes entidades sociais “o compromiso asumido pola Xunta para seguir traballando conxuntamente cos axentes implicados na integración das persoas e colectivos mais vulnerables”.
“Precisamente”, dixo Parrado, “o Consello da Xunta aproba hoxe a orden plurianual de subvencións destinadas a estes organismos incrementando en tres millóns de euros o orzamento respecto a anteriores convocatorias”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
