Burela, 22 de abril de 2016.- O Burela Pescados Rubén competiu con orgullo no Palau Blaugrana ante o poderoso FC Barcelona Lassa que finalmente se alzou coa vitoria por un axustado 4-3. Malia a derrota no fortín blaugrana os mariñaos disputarán a última xornada con opcións de conseguir unha praza nos Play Off polo título para poñer a guinda a unha excepcional tempada.
O desafío do Palau comezou cun guión inesperado para os culés xa que o Burela Pescados Rubén logrou sorprender ao comezo cun potente disparo raso de Jorge Bellvert para situar o 0-1 no marcador. O gol dos laranxas obrigou ao Barça a cambiar de marcha e comezou a exercer unha boa presión sobre os pupilos de Daniel Ibañes que esperaban a súa oportunidade ao contragolpe. Álex mostrouse moi seguro ante os disparos afastados dos blaugrana; Dyego e Wilde probaron ao meta burelés que evitou o empate nuns minutos de acoso local. Tras superar o ecuador chegou o empate culé cunha gran vaselina de Aicardo ao primeiro toque. O 1-1 non descompuxo aos galegos que xogaban as súas bazas con intelixencia e Petry a punto estivo de adiantar de novo ao Burela pero o seu disparo foise ao pau. Ambos conxuntos intercambiaron golpes, Sergio Lozano enviou un mísil ao longueiro e Chano tamén se atopou coa madeira. Tras un breve respiro, na recta final ambos equipos volveron a cargar sobre o seu rival. Unha combinación entre Wilde e Aicardo estrelouse coa seguridade de Álex e nos instantes finais Chano gozou dun contragolpe que non logrou definir con claridade. O Barça na contra case logra o 2-1 con Sergio Lozano e Wilde como protagonistas pero Álex reivindicou o seu papel como actor principal. Finalmente chegouse ao descanso con empate (1-1) e na continuación mantíñase o discurso da primeira parte, dominio local e os burelaos defendendo con moitas axudas á espera de cazar á súa presa. A igualdade desapareceu tras unha acción de estratexia blaugrana, Dyego consegue finalizar no corazón do área laranxa un saque de esquina que supuxo o 2-1, minuto 23. O Barça apertou para intentar aumentar a súa renda pero o Burela Pescados Rubén mantivo o tipo e, aos poucos, sacudiuse a presión culé e no minuto 30 arriscou con porteiro xogador. A súa valentía obtivo o premio do empate por mediación de Antoñito que situaba o 2-2 no Palau. O atrevemento visitante activou a alarma blaugrana e Wilde sacou a relucir o seu repertorio na definición; primeiro cun potente disparo marcou o 3-2 e pouco despois cazou un rexeite que supuxo o 4-2, minuto 35. Os burelistas non baixaron os brazos e volveron sacar rendemento ao porteiro xogador, nesta ocasión foi Chino o encargado de finalizar a xogada. A uns corenta segundos para o desenlace o Burela Pescados Rubén situaba o 4-3 pero o Barça logrou defender a súa renda para acabar conquistando unha vitoria moi traballada ante un Burela que deixou unha gran imaxe no Palau Blaugrana.
Ficha técnica
FC Barcelona Lassa: Paco Sedano, Lin, Wilde, Sergio Lozano, Aicardo –cinco inicial- Dyego, Saad, Marc Tolrá, Ferrao, Gabriel.
CD Burela FS Pescados Rubén: Álex, Bellvert, Isi, Antoñito, Petry –cinco inicial- Iago Míguez, Chano, Chino, Carlitos, Renato.
Goles: 0-1, m.2, Bellvert; 1-1, m.11, Aicardo; 2-1, m.23, Dyego; 2-2, m.31, Antoñito; 3-2, m.33, Wilde; 4-2, m.35, Wilde; 4-3, m.40, Chino.
Árbitros: Díaz Rodríguez, García Hernández. Cartón amarelo a Isi do Burela Pescados Rubén e a Sergio Lozano no FC Barcelona Lassa.
Incidencias: Partido correspondente á 29ª xornada da Primeira División da LNFS disputado no Palau Blaugrana de Barcelona. 3261 espectadores.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
