Alfoz, 19 de abril de 2016.- O vindeiro fin de semana celebrarase a II Ruta de Tapas de Alfoz, organizadas pola Concellería de Desenvolvemento Local do Concello de Alfoz en colaboración coa hostalería local e a ACIA de Alfoz. A ruta desenvolverase desde a noite do venres 22 de abril ata o domingo 24 a mediodía, sendo a xornada do sábado de mediodía e noite. Nesta edición participarán un total de sete establecementos compostos por Restaurante A Naranja, Bodegón Ponte de Pau, Restaurante O Frenazo, Bar Rodolfo, Casa Pereiras, O Bar de Elvira e Bar San Pedro.
Os participantes nesta ruta entrarán no sorteo de 200€ en vales de compra no comercio local de Alfoz. Para optar ao sorteo, os participantes deberán selar a tarxeta de participación en todos os establecementos participantes en alomenos dúas das tres xornadas da ruta. As tarxetas estarán a disposición dos participantes en todos os establecementos pertencentes á ruta.
As tapas que se poderán degustar nesta ruta serán gratuítas e, como novidade, este ano haberá premio ao mellor bar segundo a opinión dos participantes.
Esta segunda edición da ruta das tapas coincidirá na fin de semana da celebración das probas artísticas das III Olimpiadas Interparroquiais de Alfoz, un aliciente mais para visitar as terras de Alfoz esta fin de semana. Os premios entregaranse na derradeira xornada das Olimpiadas Interparroquiais que se celebrará o vindeiro 30 de abril.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
O posto amosa as novidades editoriais como "Mudar en común: Galiza 1959-1982", un estudo sobre a transformación estrutural da sociedade rural galega da historiadora Alba Díaz Geada que se presentou pola mañá, ou "A escola de náutica e comercio de Ribadeo, de Antonio Prado Gómez, que se presentou pola tarde na Biblioteca Municipal, antiga sede da escola. Estes e outros títulos da editora institucional están a venda nas librarías da feira.
A iniciativa foi promovida polo propio colectivo. O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha.
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
