Cervo, 17 de xullo de 2025. O Concello de Cervo será o escenario da Iniciativa Xove “Techno Con-Ciencia”, unha proposta pioneira de expresión xuvenil e creatividade electrónica impulsada polo grupo Fonte da Tella (da man de Inoa Pardo, Simón Villarquide, Paula Rodríguez Ares, Borja Lorenzo, Xoel Carreiras Paula Rodríguez Franco , Noé Fernández e Roberto Balseiro) en colaboración co Concello de Cervo, que se desenvolverá os días 22 e 23 de xullo en Sargadelos. O proxecto está financiado pola Dirección Xeral de Xuventude da Xunta de Galicia a través do programa Iniciativa Xove.
A iniciativa nace co obxectivo de poñer en valor a música electrónica como ferramenta de aprendizaxe, cohesión social e innovación cultural, promovendo a participación activa da mocidade na vida cultural do territorio.
A programación inclúe dúas xornadas cheas de actividades:
Martes 22 de xullo
Durante a primeira xornada desenvolverase un obradoiro de elaboración de pasta artesanal a cargo de A Morena, unha visita guiada ao obradoiro do ferreiro Telmo Cao e a inauguración da exposición fotográfica de María Simón, enmarcada no proxecto paralelo Iniciativa Xove “Fotografía Musical7”. As actividades estarán amenizadas polo colectivo Conxuro Móbil e concluirán cunha degustación de produtos elaborados por A Morena.
Mércores 23 de xullo
A segunda xornada terá un marcado carácter gastronómico e musical. Está prevista unha degustación de marmeladas A Morena e unha ruta de tapas no espazo A Sacabeira. Ademais, celebraranse varias charlas e mesas de diálogo arredor da música electrónica, con intervencións de artistas como Pablo Conxuro, Lucasito, Somiux e Irene Castro. A programación completarase con sesións DJ a cargo de Conxuro Móbil e Kike Varela, e con demostracións en vivo na madrugada por parte de Somiux, Irene Castro e Lucasito.
Os horarios detallados de todas as actividades publicaranse o luns 21 de xullo a través das canles oficiais do Concello e das redes sociais do proxecto.
A alcaldesa de Cervo, Dolores García Caramés, destacou “a capacidade de organización, o talento e a ilusión da mocidade participante, que traballa para facer realidade un proxecto que une cultura, identidade e innovación”. Subliñou ademais que iniciativas coma esta “non só enriquecen o noso tecido cultural, senón que tamén promoven valores como a igualdade e a participación activa da mocidade”.
Desde o Concello de Cervo anímase a toda a veciñanza e visitantes a participar nesta proposta, que servirá como antesala das Festas de Sargadelos, promovendo un espazo de encontro interxeracional, diverso e creativo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
