Lugo, 1 de abril do 2016.- Xosé Ferreiro, Delegado de Cultura na Deputación de Lugo, participou este venres na presentación do XXII Festival Internacional de Teatro Universitario, que se celebrará ao abeiro do convenio Lugo Cultural, asinado pola Área de Cultura da Deputación de Lugo, a USC e o Concello de Lugo.
O acto tivo lugar na Sala de Exposicións da Deputación e, xunto a Ferreiro, estiveron tamén presentes Paloma Lugilde, coordinadora do Festival, a vicerreitora de Servizos Universitarios do Campus de Lugo, Carme Silva Domínguez, e a Concelleira de Cultura no Concello de Lugo, Carme Basadre.
Así mesmo, a presentación contou coa representación teatral dun fragmento da obra de Lorca Comedia sen Título, a cargo da actriz Uxía Alonso e do actor Lucas Chao, da Compañía de Teatro da Usc.
Esta nova edición do Festival Internacional de Teatro Universitario terá lugar do 8 ao 19 de abril, cun completo programa de funcións teatrais así como de actividades complementarias.
Un completo programa que pensado para facer que o público desfrute do XXII Festival Internacional de Teatro Universitario
O XXII Festival de Teatro Universitario presentará en Lugo do 8 ao 19 de abril catro montaxes doutras tantas compañías universitarias, así como dous micro proxectos artísticos desenvolvidos polos actores latinoamericanos Pâmela Fogaça e Raymundo Rangel, así como pola madrileña Ángela Beltrán. Un relatorio sobre a dramaturxia de García Lorca, a cargo do director do Instituto de Teatro de Madrid, Javier Huerta Calvo, e un concerto sobre a música na vida deste xenial autor granadino, a cargo de Samuel Díaz, reforzan a programación desta nova edición do festival de teatro universitario, un certame que por vez primeira ofrece pases específicos para o estudantado de ensinanzas medias, ademais de ensaios e obradoiros de adestramento actoral abertos ao público interesado.
O director do Instituto de Teatro de Madrid, Javier Huerta Calvo, abrirá o vindeiro 8 de abril, ás 21.00 horas, no auditorio da Casa do Saber de Lugo, a programación do XXII Festival de Teatro Universitario co relatorio ‘Luces e sombras de O Público’, a obra de Lorca que porá en escena a compañía de Teatro USC-Lugo o 17 de abril no auditorio Gustavo Freire, o mesmo escenario no que a formación universitaria dirixida por Paloma Lugilde ofrecerá os días 18 e 19 novos pases desta obra, algúns dirixidos a estudantes de institutos de ensino secundario.
A posta en escena de ‘Cinzas’, unha peza adaptada e dirixida por Roberto Salgueiro e que toma o nome das obras completas de Rodrigo García publicadas baixo o título ‘Cenizas escogidas’, a cargo da Compañía de Teatro USC-Santiago de Compostela, abrirá o 12 de abril, ás 21.00 horas, a quenda de funcións no auditorio Gustavo Freire, o mesmo escenario no que a Aula de Teatro Universitaria ‘Maricastaña’ de Ourense presentará ‘Demediado’, unha dramaturxia de Fernando Costa a partir de ‘O vizconde demediado’, de Ítalo Calvino.
Un obradoiro aberto de adestramento actoral e de achegamento á ‘O Público’, de García Lorca, coa compañía de teatro USC-Lugo capitalizará o 14 de abril a actividade dun festival que, ao día seguinte, dará visibilidade a tres micro proxectos artísicos: ‘Cacao e Caña’, a cargo de Treta Teatro (Pamela Fogaça e Raymundo Rangel), ‘Raíz’, de Krilajo, e ‘Y si fueras ella?’, que ten por actriz protagonista a Ángela Beltrán.
A estrea de ‘O Público’, a cargo da compañía de Teatro USC-Lugo, será o domingo 17 de abril, aínda que as persoas interesadas poderán gozar o día anterior dun ensaio aberto no auditorio Gustavo Freire, que tamén acollerá novos pases desta montaxe o luns 18 e o martes 19 de abril. Asemade, en parello con esta actividade teatral, o auditorio da Casa do Saber acubillará o 18 de abril, a partir das 20.00 horas, o concerto ‘A música na vida de Lorca’, a cargo de Samuel Díaz.
A asistencia ás distintas actividades programadas ao abeiro do XXII Festival de Teatro Universitario é libre e gratuíta, aínda que, dado que a capacidade de asistencia para presenciar a función de ‘O Público’ está limitada a 100 butacas, as persoas interesadas deberán recoller previamente as entradas nas oficinas de Cultura da Vicerreitoría de Coordinación do campus de Lugo, onde se despacharán a partir do 15 de abril. Para asistir aos pases programados para institutos de ensino medio ou para participar nos obradoiros ofertados, que teñen prazas limitadas, cómpre facer a reserva previa en quenda de mañá no número de teléfono 982 821 513.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
