Burela, 2 de xuño de 2016.- A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Burela impartirá 4 novos cursos nas vindeiras semanas.
O vindeiro martes, 7 de xuño, comezará a impartirse un curso de repaso de Iniciación a Internet. Neste curso repasaranse os conceptos básicos da navegación a través da Internet. Esta actividade impartirase de martes a xoves de 16:00 a 17:30, contará cunha duración de 4,5 horas e finalizará o 9 de xuño.
Outro curso que comezará en breve será o de Edición e montaxe de vídeo e contará cunha duración de 12 horas. Neste curso amosarase a crear vídeos a través de imaxes e sons, para tal fin, os asistentes empregarán o programa libre de edición e vídeo Openshot. Esta actividade comezará o 9 de xuño, impartirase de luns a venres en horario de 10:30 a 12:00 horas e rematará o día 20 do mesmo mes.
O curso de Retoque de Fotografías iniciarase o 13 deste mes e finalizará o 28. Os asistentes aprenderán as nocións básicas do retoque fotográfico empregando o programa libre Gimp. O curso estenderase a longo de 15 horas, impartirase de luns a xoves e o seu horario será de 16:00 a 17:30 horas.
Por último, o 14 de xuño comezará o curso Follas de Cálculo. Con esta actividades amosarase a manexar o programa Calc incluído no paquete ofimático LibreOffice. Os asistentes aprenderán a levar as contas da casa, da comunidade ou negocio a través das follas de cálculo. Este curso impartirase de luns a xoves de 18:30 a 20:00 e contará cunha duración de 15 horas.
Para inscribirse ou para solicitar máis información sobre as citadas actividades @s interesad@s poden dirixirse á Aula CeMIT de Burela sita na Casa da Xuventude – Rúa do Cancelo S/N, a través da páxina web https://cemit.xunta.gal/ ou enviando un correo á dirección: cemit.burela@xunta.gal
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
