31 de maio de 2016.- As 08:00 h. do derradeiro domingo do mes das frores, partía da estación de buses de Ribadeo, a guagua da LNB ca maioria dos clasificados da conferencia Norleste (outros foron recollidos en distintos puntos do camiño e o resto desprazáronse pola súa conta), para disputar o play off final co resto das conferencias en Santiago de Compostela.
Algo de choiva polo camín que foi desaparecendo a medida que nos achegamos o campo de fútbol do Atlético Fátima no Castiñeiriño. Ainda estaban a xogar un partido cando chegamos e o campo de área presentaba un estgado pouco esperanzador.
Marcaxe rápido de pistas e sorteo para as finais de donas e infantís.
En cativos so cinco rapaces (Adriana, Geno, Juanma, Martiño e Rubén) que deron unha lección de xogo e de adaptación a calquer tipo de superficie. Gañou Juanma seguido de Rubén e de Geno.
Simultaneamente final de donas con catro representantes do NorLeste fronte a quince das Rías Baixas e Sur. Xogouse en dous grupos pasando as seis mellores de cada un deles logo de cinco carreiras.
Titánica loita destas bravas palanadoras contra o encharcado e irregular chan en busca do campionato. Sorte desigual para as nosas, quedaron fora Carme e Lorena seguindo adiante as outras dúas para os cruces; pasaron doceavos e en sextos quedaron emparexadas deste xeito: Elena Vs. Bego, Paula Vs. Lu e Geni Vs. Tania. A sorpresa deuna Paula que ainda que comenzou indecisa, foise asentando e acadou a final a tres, chimpando da competición a bicampeona Lu. Elena fixo o propio ca todopoderosa Bego e Geni merendouse a Tania.
Final con dúas representantes da NorLeste que remataron impoñéndose a una fenomenal e combativa Elena que se topou fronte a dúas verdadeiras apisonadoras. O Podio quedou así: Campiona GENI, Subcampiona PAULA e terceira ELENA.
Logo pasouse a final de equipos con seis grupos formados por palanadores co mismo posto na clasificación, e decir: un grupo cos primeiros clasificados de cada equipo, outro con segundos e así sucesivamente. Cinco carreiras e clasificación dacordo ca suma dos puntos acadados polos palanadores de cada equipo. Loita moi aberta e igualada donde se impuxeron e renovaron o título de Campións os “BILLARDEIROS MUSICAIS” de Ribadeo, seguidos de “Corredorias Rías” de Bueu e de “Rinocerontes” de Pontevedra.
Lixeiro impas para repor forzas e de novo a competición ca disputa dos Varados. Neste apartado os do NorLeste quedamos peor parados. Logo de cinco tiros so conseguiron tiro directo Che de “Rinocerontes” e Xan Rodiño de “Lua de Forza”. No desempate foi Ché quen conseguiu un novo tiro directo e o primeiro posto, Xan segundo e o terceiro foi para o que sin chegar a perforar o Varal quedou mais perto del, que foi Collazo de “Campo da Feira”.
E por fin a tan agardada final absoluta que deparou grandes sorpresas. Palanadores experimentados e favoritos a todas luces non poideron pasar da fase de grupo (o actual campion Ricar, o bicampion Markytos ou Dani Rino entre outros), tal é a calidade e progresión de tantísima xente nova que se ven xunguindo oa xogo-deporte da billarda.
Gran actuación da conferencia do Norleste que colocou en cuartos a cinco palanadores. Por un lado do cuadro:
Pepe de Outeiro (NorLeste) Vs. Xan (Rias baixas) – Rubén (NorLeste) Vs. Collazo ( NorOeste).
Polo outro lado:
Pasto (Rias Baixas) Vs. Manolo Pozo (NorLeste) – Chousa Vs. Jorge Galdo (NorLeste os dous).
Moi competidas ambas, si ben temos que subliñar a fenomenal participación do infantil e debutante Rubén que tivo contra as cordas a un experimentado Collazo.
Con xogadas expectaculares, puxo en pé a uns xeareiros completamente entregados o bó xogo do rapáz e moi deportivamente él mesmo deo por mala unha billarda que a maioría daba por boa. Este é un xesto de todo un campión e un exemplo de xogo limpo. Parabéns mozo! Oxalá todos non comportáramos tan deportivamente. Finalmente nun desempate non puido coa experiencia de Collazo e retirouse entre unha sonora salva de aplausos.
Pepe de Outeiro eliminou a Xan e completou a primeira semifinal. A segunda quedou con Chousa que se desfixo de Jorge Galdo e Pasto que eliminou a Manu Pozo.
Semifinais a cara de can cos partidarios duns e doutros amimando e jaleando os seus. Cada palanador gañou unha carreira polo que cumpría un desempate que se decantóu da parte de Collazo e de Chousa.
No duelo para o terceiro posto entre Pasto e Pepe de Outeiro, os dous algo tocados por non poder chegar a final, deron nembargantes todo de si nesta rolda e foi Pasto o mais acertado acadando o terceiro posto.
Final de poder a poder protagonizada por Chousa e Collazo. Primeira carreira para o da NorLeste e segunda para o do NorOeste. No desempate correspondente, Chousa (moi concentrado toda a tarde) comenzou sacando un bo tiro o que respondeu Collazo de igual xeito. Segundo tiro e… DENTROOOO…!!! Era a quenda do larachés para empatar a carreira, preparouse… golpeo deficiente… e billarda que cae morta a rentes do varal. CHOUSA CAMPION!!!
O grande Victor Chousa botou os brazos ao ceo cun berro que ainda resoa nos ouvidos dos presentes. Estaba feito! Despois de tanta loita conseguírao, xa era o NOVO COROCEIRO NACIONAL 2016 poñendo o broche de ouro a boa actuación xeral da conferencia NorLeste que fixo unas grandísimas finais acadando a maioria dos títulos en xogo:
2º posto infantil: Rubén (Billardeiros Musicais)
1º posto donas Geni (Billardeiros Musicais)
2º id id Paula (Cruzados)
1º posto equipos: Billardeiros Musicais.
1º posto individual absoluto: Victor Chousa (Remourelle Bulls)
4º id. Id. Id. Pepe de Outeiro (O Cadaval)
Remata a tempada cunha grandísima colleita. Queda rematar os torneos de vrao e prepararse para a vindeira. Parabéns a todolos palanadores e que a serpe multicolor da LNB siga medrando. Billarda Sempre.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
