Cervo, 28 de xullo, 2025. O Concello de Cervo celebrou este mediodía a Xunta Local de Seguridade, unha reunión copresidida pola alcaldesa, Dolores García Caramés, e a subdelegada do Goberno en Lugo, Isabel Rodríguez, na que tamén participaron a concelleira Mali Méndez, así como representantes da Garda Civil, do Subsector de Tráfico, da Policía Autonómica e da Policía Local .
Durante o encontro abordáronse diversas cuestións relacionadas coa coordinación dos dispositivos de seguridade que se porán en marcha nos vindeiros meses, coincidindo coa celebración de eventos que congregan unha importante afluencia de persoas no municipio. Entre eles destacan dúas festas declaradas de Interese Turístico Galego:
A Festa da Maruxaina (9 de agosto)
A Queimada Popular (23 de agosto)
O obxectivo principal desta xuntanza foi garantir a seguridade e o bo desenvolvemento das celebracións, de xeito que tanto a veciñanza coma as persoas que visiten Cervo poidan gozar destas citas emblemáticas nun ambiente seguro e organizado .
Tamén se tratou a coordinación entre os distintos corpos de seguridade para actuar de forma eficaz ante calquera incidencia que se poida producir e reforzar a presenza nos puntos máis concorridos.
Ademais, valorouse de maneira positiva a colaboración institucional e a planificación conxunta como ferramentas clave para o éxito destas festas que constitúen un sinal de identidade do municipio e que cada ano atraen a centos de visitantes.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
