Foz, 29 de xuño de 2016.- Foz contará con tren turístico este verán. Estará operativo entre o 1 de xullo e o 4 de setembro. Realizará nove viaxe aos día, unha delas á Basílica de San Martiño. Na presentación do tren, que tivo lugar na tarde deste mércores, estiveron presentes o alcalde, Javier Castiñeira, e empresario que leva adiante esta iniciativa, José Antonio Neira.
O alcalde quixo “felicitar esta nova iniciativa de actividade turística no noso concello, o tren turístico, a verdade é que eu creo que é unha estupenda noticia para Foz”.
Javier Jorge Castiñeira salientou que “sobre todo ademais de promocionar o pobo, a nosa costa e as nosas praias é unha aposta tamén fundamental e moi boa para promocionar a Basílica de San Martiño de Mondoñedo. Unha vez ao día pola mañá, este tren terá un percorrido con parada en San Martiño, onde a guía municipal dará unha visita turística a todos aqueles que se acheguen”.
O rexedor focense insistiu en “felicitar aos promotores e desexarlles moita sorte. É unha iniciativa que funciona en moitos municipios turísticos de toda España e sen dúbida en Foz con toda a capacidade que vai ter durante todo este verán e toda a ocupación, seguro que será un éxito e súmase a todas aquelas novas iniciativas que hai no concello de empresas privadas que están traballando a prol do turismo, que están creando emprego e riqueza e esta non deixa de ser unha máis”.
Pola súa banda o promotor desta iniciativa, José Antonio Neira, aproveitou para “agradecerlle ao alcalde e a todas aquelas persoas que están colaborando comigo. Imos intentar facelo o mellor posible, é o primeiro ano, hai que perdoar se algún fallo temos, tentaremos corrixilo pero esperamos que non haxa fallos. Queremos facelo ben e que goce a xente, é unha iniciativa moi boa para os nenos e incluso para as persoas maiores”.
José Antonio Neira subliñou que “imos tentar impulsar a basílica de San Martiño, que é unha idea que o alcalde me expuxo desde que eu din a iniciativa de facer a ruta polas praias e polo pobo. Comentoume que era importante ir a San Martiño polo menos unha vez ao día e así o imos facer”.
O tren turístico de Foz fará unha viaxe diaria a San Martiño ás 11:00 horas cunha duración aproximada de hora e cuarto. Pola mañá fará ademais dúas viaxes ás 12:30 horas e 13:30 horas cun percorrido ás praias ata Peizás e despois polo casco urbano baixando polo porto pesqueiro e deportivo ata a praia da Rapadoira, que é de onde sae. Pola tarde o tren turístico fará seis viaxes ás 16:00, 17:00, 18:00, 19:00, 20:00 e 21:00 horas.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
