Burela, 16 de xuño de 2016.- Este Luns 13 de Xuño cumpriuse o ano de goberno do Partido Socialista e dende o BNG de Burela analizan este período con decepción. A sensación é de tempo perdido e promesas incumpridas.
Aínda que é posible que se produciu un cambio nas formas e na normalidade democrática dentro do concello, existe unha falla de cumprimento do prometido no seu programa electoral que resulta alarmante, sobre todo con respecto ós asuntos que mais afectan ós veciños. “O cambio de goberno non trouxo un cambio substancial nas políticas, como xa comprobamos trala presentación dos orzamentos municipais” sinalou Mario Pillado, voceiro do BNG.
Con respecto ó servizos básicos, dende o BNG veñen sistematicamente demandando a remunicipalización dos mesmos, posto que era unha medida común de ámbolas formacións, mais aínda non se produciu en ningún ámbito. “Limpeza, comedores escolares, abastecemento de auga e recollida de lixo seguen a estar en mans de empresas privadas, aínda que neste último caso apoiamos o goberno nos primeiros trámites para facelo público. Seguimos deixando gran parte dos cartos dos veciños en dar beneficio a empresas privadas por servizos que non son de calidade” destacou o portavoz nacionalista.
Estas ataduras que mantén o concello son as que impiden desenvolver o anunciado plan de emprego, do que non teñen constancia no BNG pese a que era unha das medidas estrela do alcalde, Alfredo Llano. “Nos mesmos propuxemos unha moción cun plan de emprego xuvenil ligado ós nosos sectores produtivos, no que se incentivase a innovación e impulsara o sector comercial, pero a resposta do grupo socialista non foi positiva. A realidade e que nos orzamentos adicase a mesma cantidade a este apartado que no ano anterior” salientou Pillado.
Ás promesas incumplidas engádense promesas das que apenas hai novidades
A nivel de urbanismo e inversións, a falta de coñecer que pasará coa Escola Infantil, os nacionalistas poñen a ollada noutra das apostas socialistas na campaña eleitoral de Maio de 2015, a EDAR. “Soubemos de reunións con Augas de Galicia fai uns seis meses, falouse de ampliación (por problemas cos terreos para facer unha instalación nova) pero ahí quedou todo, non hai mais información ó respecto, mentres a preocupación entre os veciños medra dada a importancia do servizo” dixo o voceiro do BNG.
No ámbito cultural, dende o consello local do BNG recoñecen a actividade que se leva a cabo a nivel cuantitativo, mais neste aspecto atópanse luces e sombras. Non se pode esquecer o que acaba de pasar coa Banda de Música, na que a xestión socialista non foi moi diferente da anterior do PP. “A programación cultural foi moi completa e variada, pero iso queda en nada cando se bota á basura un traballo cultural de base de décadas coma o que se facía na Banda Municipal. Noutras cuestións coma os estatutos da Escola de Música ou a situación da Radio tampouco temos constancia de que mudara nada nestes doce meses” finalizou Pillado.
En resumo, o goberno municipal de Burela apenas cumpriu co seu programa electoral neste primeiro ano de goberno en case nengún dos aspectos analizados. Como exemplo do mais sinxelo: o alcalde prometeu unha auditoría das contas do concello; un ano despois aínda non existen resultados. Para o BNG, o goberno municipal perdeu un ano e ten moito que traballar nos tres anos que lle quedan de lexislatura.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
