Os representantes do futsal galego en Primeira División, o CD Burela FS Pescados Rubén e o Santiago Futsal, mobilizarán os clubs irmandiños en defensa do seu deporte tras a ruptura do acordo de fusión coa Federación Galega de Fútbol Sala por parte da Federación Galega de Fútbol o pasado 16 de xullo.
Mariñáns e composteláns, que presenciaron como asambleístas votacións, que ao seu xuízo non se axustan a dereito, en convocatoria extraordinaria para anular un acordo aprobado por unanimidade en agosto de 2014, puxéronse en contacto con todas as entidades de fútbol sala da comunidade autónoma para informar de próximas reunións en cada provincia. De aí sairá a decisión final para tomar as medidas oportunas e que o fútbol sala galego poida defender unido os seus dereitos.
Artigo 94
Na asemblea do 2 de agosto de 2014 acordouse, por UNANIMIDADE, a fusión coa FGFS e a aprobación dun determinado contido para o art. 94 dos Estatutos (relativo ao Comité Galego de Fútbol Sala) no que, entre outras cuestións, se establece que a modificación dese artigo precisa maioría de 2/3 dos asistentes á Asemblea e, adicionalmente, maioría de 2/3 dos membros da asemblea representantes da especialidade de fútbol sala.
O contido dese art. 94 é un acordo que si ten plenos efectos dentro da asemblea xeral da FGF e vincúlaa desde o momento da súa adopción, de maneira que a modificación dese contido aprobado para o art. 94 precisa as dúas maiorías reforzadas (2/3 dos asistentes á asemblea e, ademais, 2/3 dos asambleístas do fútbol sala).
Calquera acordo adoptado nesta asemblea que careza desa maioría reforzada, situación que se viviu na reunión do sábado 16 de xullo, sería ineficaz, por non cumprir o requisito de maioría establecido nun anterior acordo desta mesma asemblea para a súa modificación.
O CD Burela FS Pescados Rubén, un dos membros da comisión delegada da FGF, solicitou oficialmente a acta de devandita asemblea.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
